Uuministeli wetanga lyegameno owa pititha omushangwa kutya aanyasha taya ningi omayindilo metanga lyegameno inaya pumbwa oku tula mo uukalata womahogololo.
Omupopiliko muuministeli wetanga lyegameno Petrus Shilumbu okwa ti okakalata komahogololo ina pumbiwa mekuto lyiilonga onkene aanyasha naya landule shoka jsha pulwa kuuministeli.
“Uukalata womahogololo okwali hau pulwa nale, okukwashilipaleka kutya ngoka ta ningi omayindilo ogo moshikandjohololo ngaa moka shili, ihe ihashi ningwa we,” ta fatulula ngaaka. Shilumbu okwa indile oombelewa dhookansela moshilongo opo dhi yambindhindhe momayindilo giilongo metanga lyegameno nokugandja uuyelele awihe wa pumbiwa. Ta ti, kehe gumwe okwa manguluka okugandja oofoloma dhe kehe pombelewa yakansela moshilongo. “Aanyasha oya manguluka okugandja oofoloma kehe pombelewa ya hala itashi dhengele kutya omoshikandjohogololo moka aza oshoka adhihe odhuuka ashike kombelewa yimwe,’’ ta fatulula ngaaka.
Shilumbu okwa indile ookansela ya kwashilipaleke omayindilo agehe ga tulwa po kuuminsteli wetanga lyegameno.
Etanga lyegameno otali pula aanyasha yena omimvo 18 sigo 25 ashike, naya kale yena onzapo yondondo 12 nenge 11 niitsa 25 miilongwa itano nenge onzapo yondondo 10 niitsa 27.
Esiku lyahugunina lyokuninga omayindilo 15 Novomba nuumvo.