Taimi Haihambo 

Okeeke – Maderline Haiduwa voo na Penehehupifo Sheehama ova ti voo ponhele yokukala momaumbo vehe na eshi tava ningi, ova ninga etokolo oku ninga oshikunino shoihape noingumutulu, opo va dule oku li kwafa apa naa penya.

Elalakano lavo ngeno vati oshikunino shavo oshikule shoo dule, oku eta po oipalwifa tai kawafele ovanhu moshiwana.

“Ondjodi yetu ngeno oyeyi kutya oshikunino shikule, fyee tudule oku kala hatu kwafele ovanhu ava vapumbwa ekwafo shili, oshoyo oohembudangele peefikola,” ta ti. Okwa twikila kutya ngaashi halongo okinder, okwa hala atameke opologalama yoku telekela ounona nande osopa pofikola.

Eshi vati tashi imbi ondjodi yavo itwe, yoo iye komesho, vati omashongo aa hava kala vakala vataalela ngaashi okapuka oko vati haka lipo oimeno yavo, okanghanga katoka oko haka hanauanapo oimeno nako, omininho domeva, uushosho, oshoyo eepala doku dika oshikunino.

“Otuna ngeno ediladilo lakula, opo modula taiya tu tameke oshikunino sholwishi, ashike katuna eedalate dawana nawa. Onhele ngeno opuna ashike ohatu dengwa keepala oshoyo eedalate,” ta ti.

Haiduwa okwa tanga edu lavo moshitukulwa shaMusati, kutya liwa noimeno, noha li wapapelele konyala keshe oshimeno.

Okwa ti ota pula oshiwana keshe apa tashidulu oku kwafa shikwafele.

Vati wodalate owo dalate, wopaala owoopala, wombuto owombuto, opo vati vadule okuya komesho.

taimihaihambo2000@gmail.com