Taimi Haihambo

Opolifi mexuliloshivike oya patulula oibofa ya fika puiheyali nokutula ovanhu ve li 19 moipandeko shi na sha nekwatafano lomapangwe mexuliloshivike.

Moshiningwanima shotete ovanhu vaheyali navo va ti ova tulwa moipandeko oshita, eshi va hangika nomapangwe e li molupe leepela. Mongudu yavo vati omu na ovalumenhu vatano novakainhu vavali ve li mepupi leedula dopokati ko 18 fiyo 67. 

Ovafekelwa vati ova kwatelwa meefaalama daMaltahohe. Oupela vati ova kosha ongushu yoN$15 140.

Moshiningwanima shikwao opolifi natango oya kwata omukainhu umwe novalumenhu vavali koMariental ve li mepupi leedula 23, 45 osho yo 36. Ovafekelwa navo vati ova hangika nomapangwe e li molupe leepela oo taa kosho ongushu N$19 600.

Omupopiliko wopolifi moNamibia Kauna Shikwambvi okwa ti opolifi oya manga po ovalumenhu vavali eshi va hangika nomapangwe e li molupe leepela. Ovafekelwa aveshe ovalumenhu nove li mepupi leedula 29 no 28. Ongushu yomangwe avo inai tumbulwa.

Vavali ova tulwa yo moipandeko shi na sha nekwatafano lomapangwe oovene okeemuma ocannabis e na ongushu N$650 no N$1 800. Omukainhu weedula 27 naye natango okwa tulilwa moipandeko kopolifi koGochas eshi a hangika a tula omapangwe mokandjato kaye kopeke e na ongushu yoN$2 250.

-taimihaihambo2000@gmail.com