OTJOMUISE- Ndinondi Ombara Otjitambi yOvaherero otjama tjirua amasekama okuyenda kondua yao kOmongua kOtjongombe.
Eye mayata pEharui wina pumatjakanenua iyovimbumba mbiazu mOtjomuise, mOmataura, Ohunandera ya Kaera Korupindi, Okomukaru, Onÿerombapa, Omongua ouni na Toasisa amaa kaseinina kondua yao mOtjongombe. Motjongombe mamukakara ovitjitua viombazu mbimavihongorerua po iyondangere Abusai Mungendje nomarapi. Tjazumba ape kongorere ozombinika mumuna ozombinika zomarapi, ovanane vombazu, mumuna otjiwana tjovambanderu kehi yomutize wotjihavero tjOuvara wOvambanderu, Kunomundu Gerson Katjitrua. Tjingetjo wina otjiwana matjiyandjerua okuyandja ozombinika zatjo. Oroviungura ovitjitua mOtjongombe mavikayenda komurungu navi patururua iyovakavire, onÿerera, ozombimbi nozondoro. Movahungire muhuka muna Ongooneya ya Maheke, Festus Ueitele, ovira vioporotika ovanane vombazu nozombinika zarue okuza kotupa peke peke tjimuna Otjiˇiro Otjindjandja nomakura.
Osondaha ombara otjimaiyata momuvanda wao ncgunda aihiyakotoka kOtjomuise ovitjitua viondjozikiro noruhoze pumavikayenda komurungu Omandaha pumaviutu pOkomando nondjozikiro ndjimaikayendisiwa iyo TjiÞiro Otjindjandja. Oritjavari etando nOritjatatu ondjozikiro oseinina mouparanga wehi arihe nOritjaine eyuva rOvambanderu . Oritjatano otjimapekara omayandjero wondjozikiro oseinina yohoromende kotjiveta pOtjikunino tjOndjuwo yOzoveta oro wina ndii kotjiveta omautiro womayuva yeyatu woruhoze kotjiveta rehi. Ombara Oritjatano indo mairara pOtjikunino nu opumaizire Oroviungura muhuha omunene okuyenda kOkahandja.
Omandaha omarapi ayeetatu yeere mowingi wawo pokomando yErapi rOtjiserandu otjeyuva movitjitua vioruhoze ndakuizikirirue omarapi.
Tjimaitjombokere oine yomapeta tjandje okomando yaseti nu nandarire tjandje omuvanda imbui o Epharim Hei momurungu wokomanda wapatua kaparukaze nanadrire kovaungure votjiungura tjombakerero yOmbara Otjitambi yOvaherero Kuaima Riruako tjiv vawo mbehamunine oruveze rokuhita mehi rombongo yOruuano muvekara avehita. Otjotjiri otja komazu yomarapi tjandje oyo yakambura omuvanda imbui kotjiveta nganduu ohinga yomuvanda imbui o Clemence Kapuuo.
Ombimbi kambimbi, onÿerera kanÿerera ondoro tjandje kandoro okuraisa ondjozikiro kOmbara Otjitambi yomuhoko. Nongaro indji indjari mouparanga wehi arihe oviwana puvitokerua pomazuko okuuta nganda ombara ayawa. Oritjavari otja korutuu kotjiveta rari oretando ngunda Oritjatatu ozombongo aza kayendere komurungu novitjitua viouyapuke nunguari mbuatjama komayandjero wondjozikiro. Erero raimba mbataurire puna ombara okuyenda pendje okukakonga ombatero monguturiro yehi. Kuwo wina kweri kuambere ozondekurona zaimba ovaheka kondjembo ya Katjivitjouanga mbakazira ko Tjawaøa nai mbahandura mo Ngama na Eiseba.