Oshikondo shoondholongo nezulonkalo osha mono omayambindhindho giiyata yokuhondja omizalo dhomondjedhililo okuza kombelewa yakansela goshikandjohogololo shaWindhoek West. 

Iiyata mbyoka yoomita 300 oyi na ongushu yoshimaiwa N$50 000, noya li ya taambwa ko komukuluntu goshikando shoondholongo Rafael Hamunyela oshiwike shika. 

“Ot atu pandula sho twa yambidhidhwa niiyata mbyoka opo aanandholongo ya ka hondje omizalo dhawo. Otatu pandula oshoka iiyata mbyoka otayi ka kandula po ompumbwe yomizalo dhomondholongo,” ta pandula ngaaka. 

Hamunyela okwa popi kutya omizalo dhomondholongo odha simana oshoka ohadhi ulike efano lyi ikalekelwa. 

Okwa pula wo aanangeshefa yalwe moshilongo ya kuthe ko oshiholelwa shoka oshiwinawa nayo ya kale taya yambidhidha naashoka taya vulu. Ta ti, nonando epangelo hali kambadhala okugwanitha po shoka tashi pumbiwa moondholongo, itali gwanitha po ayihe, onkene otaya pula ya tsakanekwe ondjilakati. 

Oshilyo shomutumba gopashigwana osho wo kansela goshikandjohogololo shaWi ndhoek We st Emma Tangi Muteka, okwa popi kutya oya kwathele ngaaka sho ya li ya ndhindhilike ompumbwe yomuzalo gwaanandholongo koshikando hoka. “Omizalo dhomondholongo odha simana okukala dha zalwa moondholongo dhopondondo ngaashi ndjoka. Shoka tashi nyanyudha nokugandja omukumo ooshoka kutya aanandholongo oyo yene taya ka hondja omizalo dhawo oshoka oye na oshinayeta shawo mondholongo,” ta popi ngaaka. 

Muteka okwa ti, ombelewa yawo oya yambidhidha ng a aka ongomuk a l o gokugandja omakwatho mosh ikandjohogol o l o shawo. Ta ti, ohaya gandja omakwatho uuna ya ndhindhilike ompumbwe ya taalelwa kaantu nenge kehangano lyontumba. 

“Elalakano okumanga uukuni kumwe osho wo okuyambidhidhathana ya vule okuhuma komeho,” ta ti ngaaka. 

Okwa gwedha po kutya mo2023 natango okwa li ya yambidhidha ondholongo ndjoka noshimaliwa shontumba opo aanandholongo yamwe ya ki inyolithe koNamcol. Ta ti, nuumvo oku na elalakano lyoku ka yambidhidha oopologalama dhoosikola dhopaungomba. 

-vkaapanda@nepc.com.na