Aalumentu yaali aakwashigwana yaAngola yomimvo 28 oshowo 32 oya mangwa po sho ya kambadhala okulanditha oshipa shongaka komupolisi gwaNamibia.
Sha ikolelela kiiningwanima ya holoka mehuulilo shiwike, oshiningwanima shoka osha holoka momundhingoloko Outapi moshitopolwa shaMusati.
Otaku hokololwa kutya aalumentu mboka oya patululilwa oshipotha shokwiikuthila oveta okudhipaga iiyamakuti yagamenwa oshowo okulanditha iiyamakuti shaali pa veta.
Okwa lopotwa kutya aalumentu mboka yaali ya landitha oshipa shongaka komulumentu kaaye mu shi, yaana ontseyo kutya omupolisi.
Opolisi oya ti, oya ndhidhilike iiningwanima yaantu taya ikuthile ooveta dhokudhipaga iinamwenyo yagamenwa yi li pombanda unene omumvo nguka.
“Oongaka odha ndhidhilikwa dhili pombanda tadhi longelwa omiyonena omolwongushu yoshipa shadho oshowo omayego goompanda ngoka nago ga talika ko gena ongushu,” ya popi ngaaka.
– vkaapanda@nepc.com.na