Paulina Ndalikokule
Aalumentu yeli yane oya kwatwa po noku holoka mompangulilo yaMangestra gwaKongo ohela sho taku fekelwa kutya oya dhipaga omatotokwe gaali shaali paveta ya longitha ondjembo yaana omikanda.
Omupopiliko gwopolisi omupevi komufala Kauna Shikwambi molopota yopolisi okwa ti opolisi mOkongo oya manga po aalumentu yomimvo 39, 47, 48 no 53 mekwatadhano noshiningwanima shoka.
Ota ku fekelwa kutya aalumentu mbaka anuwa oya ndopa okugwandja omikanda dhepitikilo lyokuyaha iiyamakuti yagamwena sho ya adhika nonyama osho wo ipa iyali yomatotongwe momukunda Ombuumbu mOkongo mEtine lyaza ko.
Aalumentu oyo tuu mboka ota ku hokololwa kutya anuwa oya adhika nondjembo yaa na omikanda, ndjoka takufekelwa kutya oyo oya longitha mokuyaha iinamwenyo mbyoka.
“Aafekelwa anuwa oya longitha ondjembo yaana omikanda okuyaha omatotongwe ngoka shaali pafeta noshiningilawina,” Shikwambi a ti ngaaka.
Aalumentu mbaka oya taalalela iipotha yomadhipago giinamwenyo yagamenwa shaali pafeta osho wo okukala nondjepo yaana omikanda.
Opolisi oya kutha ko onyama oshowo iipa mbyoka nomakonakono moshiningwanima shika otaga tsikile.
Moshiningwanima shayooloka Omulumentu gumwe okwa ikutha omwenyo mEenhanha a adhika a endjelela momuti molukanda Ombili mondoolopa moka mOlyomakaya. Shiikwatelela kepoko lyopolisi nakusa ota kuhokololwa anuwa a tongololwa kutya oye Junias Shileni gwomivo 27.
Nakusa ina thiga po omukanda tagu popi kutya omolwashike iikutha omwenyo, aakwanezimo ye oya tseyithilwa nomakonako gwopolisi otaga tsikile moshiningwanima shika. –ndalikokulep@gmail.com