Minista gwegameno Frans Kapofi okwa ti omwaalu gwaakwiita yeshipondola momadheulo ogwa shuna pevi sho yatatu ya hulitha omanga inaya mana omadheulo.
Kapofi okwa po pi ngaaka esiku kwali taku ningwa oshituthi shahugunina shaamboka yeshi pondola okuninga aakwita yaNamibia, shoka shaningwa oshikando oshi 17, kOsona kOkahandja.
“Maantu yeli 1 434 mboka yali ya tameke omadheulo, yeli 40 inaye shi pondola sho yamwe yali ya lalekwa omolwa omatompelo ga yooloka itaaga tsu kumwe noompango dhetanga lyegameno,” ta po pi ngaaka.
Kapofi okwa ti omadheulo ngoka oga tamekele omumvo gwayi muDesemba.
Ta ti, onkatu ndyoka ya kuthwa ketanga lyegameno onene noyasimana moshilongo, oshoka aakwiita oyo aakalelipo yoshilongo noyena okukala ya dheulwa okugamena oshilongo mu kehe shoka tashi taalele oshilongo ethimbo kehe.
“Aakwiita oya simana muuyuni awihe ihe kashi shi ashike moNamibia, sho shoka yena okusimanekwa wo,” ta po pi ngaaka.
Kapofi okwa gwedha po kutya uuministeli wetanga lyegameno ohau kambandhala okuhogolola aanyasha mboka yena uukelele netompelo lyli li po.
Ta ti, ohashiya pula okuya muule okupula iipumbiwa opo gumwe a vule okutaambwa metanga lyegameno oshoka omukwiita okuna okukala iigwanapo minima ayihe, mwa kwatelwa elongo.
Uuminsteli wetanga lyegameno owa kumagidha wo aaulikwa yaa holeke omauvu gawo oshowo mpoka pwa thikama uundjolowele wawo oshoka oshanika oshiponga.
Owa nyola wo kutya mboka ya hulitha ethimbo lyomadheulo, inaku shuwika kutya oya si koshike , ihe otaku po piwa ashike kutya oya si pethimbo lyomadhewulo.