Paulina Ndalikokule
Oshikonga shUuministeli wiikwameni, shoku gandja omikanda kaantu kaaye na omauthemba moshilongo, sigo oompaka owe shi pondola oku kwate la mo aantu yevulithe po7000 mboka ya kala moshilongo taya alaala kaaye na uukwashigwana.
Omukuntuwiliki guuministeli ngoka, Etienne Maritz momushangwa ngoka a tumu kiikundaneki okwa ti oaanintu mbaka oya pewa omikanda pethimbo lyoshikonga moka uuministeli wa pondola oku gandja uutse noonzapo dhomavalo kaantu yeli o50 833 miitopolwa yayooloka moshilongo. Maantu mboka omwa kwatelwa yeli 7332, mboka ya kala owala taya alaala moNamibia, kaaye na uukwashigwana waNamibia, nenge woshilongo shimwe shiili. Oshikonga okwali tashi lalakanene oku gandja omayakulo kaantu yeli 50 000.
“Aantu mbaka (7332) kaya li taya vulu oku gandja omikanda nenge uumbangi tawu kwashilipaleke kutya oya yavalelwa miilonga yini pethimbo lyomayishangitho ngoka,” Maritz ta ti ngaaka.
Omuntu oha kala kena uukwashigwana (ta alaala) ngele keena uumbangi wopambelewa ngaashi okamutse, onzapo yevalo ye nenge uukwashigwana waakuluntu ye nenge tawu ulike kutya okwa valelwa moshilongo shini.
Omivo dhaka pita oshifo shika osha kala nokukundaneka nkene aantu yakala taya nyengwa okumona omawuthemba moNamibia.
MuMaalista nuumvo, New Era okwa li a kundaneke kutya aantu yeli 2607 oyi ishangitha kaaye na uukwashigwana muule ashike womwedi wothango sho moshikonga shoka shatamekele muFebuluali nuumvo.
Momwaalu ngoka oshitopolwa shaZambezi okwali shin a aantu oyendji kaaye na uukwashigwana yeli 589, sha landulwa koKhomas 578, Erongo 321, Hardap 237, Kavango East 188, Kunene 169, Otjozondjupa 154, Ohangwena 126, Omusai 90, Oshikoto 58, Kavango West 36, Erongo 30 manga mOshana mwali mwiishangitha aantu 27.
Omwaalu gwaantu yaana uukwashigwana onkene tawu tsikile, Maritz okwa dhengele omuthindo kutya oku kandula po uupyapadhi wokwaana uukwashigwana ita shivulu oku ningwa mesiku limwe kakele uumunisteli otawu kondjitha oku kandulapo omukundu ngoka.
“Sho twa gwanitha omwaalu ngoka otashi ulike nkene uuministeli tawu longo neitulemo oku gandja oonzapo dhomavalo moshilongo opo aakwashigwana yavule oku mona omayakulo gelongo, uundjolowele, oopenzela osho wo oku kutha ombinga miinyangadhalwa yehumokomeho nomahupilo moshilongo,” Maritz ta ti.
Okwa wedha ko ta ti aantu mboka ya shangithwa oya tsakanitha iipumbiwa yeshangitho lyoonzapo dhomavalo nuumuste ngaashi naana okatendo kopakotampango koo koonzapo dhomavalo, dhondjokana nomaso komo1963 kapitika.
“Oshikonga shika osha kwatelemo okugandjulula oonzapo nuumuste mboka wakana osho wo mboka taya pewa oshikando shotango,” Maritz ta ti.
Omashango ngoka otaga stikile sigo omo masiku 30 Juli nuuvo, aakwashigwana ota ya indilwa yiishangithe manga yeetelwa omayakulo popepi.