Khoekhoegowab, Languages

‘ǀGaisa !âubasende ǀoro marisa ra !khō!oa ACCsa xu ǂgaoǀkhās ge ǂhanu tama’ … ACCS ge N$109 miljuns ǀguisa 2026/27 marikurib !aroma māsa

2026-04-072026-04-07By Otniel Hembapu
‘ǀGaisa !âubasende ǀoro marisa ra !khō!oa ACCsa xu ǂgaoǀkhās ge ǂhanu tama’ … ACCS ge N$109 miljuns ǀguisa 2026/27 marikurib !aroma māsa

ǁAma!khunis ǀkha hâ ǀHôakao!narib ôa!nâs !Nans (ACC) ǂnôa-ū ǀoro mariǂnûiǂuis, ǂâuǀoa tama dīhe nî sîsenni !aroma !gôab sîsenaon tsî ǀoro tamas ka i o a ǀkhai ǀasa texnoloxib ǀkha ǂnôasen ǁama!khunis ǀkha hâ ǀhôakao!nariba nî !kham!oa !khaisa ACCsa xu !âubasens ge a īǁoa. 

Nēn ge ǁgâiǂuisen ǀgaun hîa !kharaga parlements ǁanina xu ǂoa ge wekheb Denstaxtsēs ai gere ǂoaxana, ǁnāpas ge ACCsa 2026/27ǁî marikurib !aroma N$109 miljunsa ǂnûiǂuibahes khao!gâ.

Parlements ǁanin ge hoa ǀkhākha !nā-ommi dikha xu ǀgaisase nē ǂnûiǂuisa marisa gere mâ!oa, ǁnāpab Independent Patriots for Change (IPC) di Michael Mwashindangeba, nēs ACCsa ais !nâ !khōs ǀkha a gui !khaisa. “!Hūb di ǁÛs, Netumbo Nandi-Ndaitwahs tsîn ge ge mî hâ i, ǀhôakao!narib hoa ǁaesa hîkakas ǀkha a ǀgoweǀnōhe ǁkhā tsîn nēs !nâ ra ǀhapixase hōhe khoena ǁnā !ereamxasiba ǀoasase nî tani !khaisa.

Nandi-Ndaitwahs noxopa ge mîs ge, ǀhôakao!narib ǂhanub tsî !hūb !oagu ǀgui ǂkhawadī tamasa, nēs ge ǁnān hîats ni !oabasets a māsa ǁâb !nâ !khāsa, ǁnā-amagas gehîkakas ǀkhas ra ǀgoweǀnōbahe !khaisa.O, mâtits ra !âubasen ACCs nîN$109 miljuns ǀkha nēsa dīsa”? tib ge Mwashindangeba ge mî.

Affirmative Repositionings (AR) di parlement ǁanib, George Kambalab tsîn ge N$109 miljuns mariǂnûiǂuis ǂnamipe ge mî, ǁnaetib ase ai!gûgaru ǀorose ACCsa mariǂnûibas, ǁîsa ǁnā !ēsa ra ǀhanasa, ǀkharib !nâ hâ !hūgu di ǀhôakaoba ra !kham!oa !nandi ǀkhas nî ǀgui !harib ai hâ tsî ǂgaoǀkhāsa ǀnōb ai -ǁîs di !ereamxasiga nî dīǂuis disa. 

Swapo !nans di Tobie Aupindib ge nē !hoaǂams ǂnamipe ge mî,nausas ACCS ra ǂnûiǂuibahe marisa a ǀoro, xawes ǁnā !nans di ǂHanumās 2003ǁî kurib disa ǁkhawa kō!gâhesa ǁgariǁgarisase ǂhâba hâ !khaisa, ǀasa ǁaeb di ǀhôakao!narib ǂkhawadīgu tsî ǂōrisase a ǀaweǁguisa ǁama!khunis ǀkha hâ ǁaxasina ǁaeb ai oe-ams ase. ǁKhātin ge ǀasa texnoloxib !nâ a ǂhâbasa dīgaun tsî huisenxūna a ǂhâbasa ǀhôakao!nariba !kham!oas !aroma. 

“Hoada ge nēs xa ra ǂâiǂhansen, !nans hîa ǂgaoǀkhādi ai nî dīoaǀoasa da ǂhâba hâ hîa !naua!noexase ǀhôakao!narib !nâ ǀhapixa khoena nî !khō!nom!nomsa amaga. Xawe da ga ACCs ǁga a kō, os ge ǁîsa 8ǁî ǂhanumā!âs 2003ǁî kurib ǂHanumās dis hîa ǁaeba xu ǂoa hâs ǀkha noxopa a dīxūxa,” tib ge Aupindiba ge mî. !Nakaǂnôa .