Namibiab ǀAwa!namn ge ǀgūǁaen ge ūhâ i sîsengu ân !nâ ǂanǂui tsî ra ǂâiǂhansen, ǀhubuǀhubusenxūn tsî ǀnîhâ mā-amsa tama ǁkhōǁkhōsaxūn hîan skolǂgâ ra ǂkhamkhoena ǁî!nāpe ra sîsenūn ǂnamipe. !Nakaǂnôa ǀAwa!namn Komisares, Kauna Shikwambis ra mîsa !oan ge Namibiab ǀawa!namna ǂoa ge wekheb !nâ, ǀAeǁgams !nâ mâ skol-e ǀūǂamse ge sari hâ i tsî ǁnāpa ǁkhāǁ­khāsenaona ôaǀkhādi !nâ okapi gôab tsî !khâisa xūn tsîna ge hō. Nēs ge ǀgaisa ǂâiǂhansens ase !hūǁîda ība, ǀā tsî ǁkhōǁkhōsa xūn ǀkha ǁâtanisen hâsen ǁkhāǁkhā!nā-omdi !nâ ra hâ amaga.Skoldana-i ge nēs ǂnamipe ǀawa!namn xa ge ǂanǂanhe tsî ǁkhāti nē ǀgôan di în tsîna.ǀAwa!namn ra mîsa !oan ge ǀhubuǀhubusenxūn ǀkha !gaeǁaresa ūhâ ǁhōn ǀkha ǁaupexa tsēkorobe a dīxūxa. ǀHubuǀhubusenxūna sîsenūs, ǁîna ǀkhāb ai ūhâs tsî ǁamaxūs tsîn ge hoan xa ǀgapise mâ. Nēb ge kai !gomsib hîa ǂâiǂhansens ase ība, tsîn ge ǀawa!namna nî ai!gû, !gûǂamaona ǁgau!nâ, !khâikhom tsî ǁnān hîa nē mā-amsa tama ǁaxasin !nâ ra !âna !khōsis !nâ ūs ǀkha,” tis ge Shikwambisa ge mî. Komisares ge ai!â ǁgûn tsî ǀgôana ra kō!gâ khoen ai ǂgansa ge dī,  in !nāsase ­ǁae tsî kō!hara taren ǀgôan ûigu !nâ tsî ǁîn ǂnamipe ra ī !khais tsî tanisenǀgaugu !nâ a hâ ǁkhā ǀkharaǀkharasendi tsîna, tsî skolgu tsî ǂhanub mâisan ǀkha sîsenǀhao, ǁaeb ai oresa nē ǀgôa-e hōbas !aroma. “ǀHubuǀhubusenxūna ǂkham kurin ǀkha sîsenūs ge ǁguisa ǂhanugu ǀguiga !gûǂam tama hâ, xawe ǁkhōǁkhōsa !aorosasiga ǂurusib, !norasasib tsî ǂuru tsî !hūba !gâi sîsenni !nâ-ū ǀomkhâi kais !ēde ra ǀhana. ǁNā-amaga da ge hoatsama nî ǁgūba sada ôana ǁkhauba tsî ǁawoǁawosa skolgu nî !norasa, !gâi ǂûsi tanisenǀgauga aimâba tsî ǀhubuǀhubusenxūo!nâ ǂnamipega ǀgôan !aroma ǂnuwi !khaisa,” tis ge ge mî. ǂKhamkhoena omkhâis !nâ !gâi!gâibasensa ūhâ Matheus Costab, Greenwell ǁanǁguib dib ge New Eraba ge mîba, ǀhubuǀhubusenxūna sîsenūs ge !gâise skoli !nâ ai!gûsa a ǂkhawu kai !khaisa tsî nau ǀkhāb ai ǂkhawadība skolgu !nâ a khuisa. “Tita ge ǁgoas hoasa ǀgôana skol!gû-ū tsî ǁkhawa si ra ūkhâi skoli khao!gâ, tsî ta ǁnāpa ra !hara !khais ge ǀgôan di ǂâidi a ǂgaeǁnâsa tamas ka i o skolǂgâ-i turab a ǀkhaisa. ǀNî ǁgûn ge !hau!hausase a ǀū, ǀgôan ân taren !nâ ra !kharu !khaisa. ǀAwa!namn ge ǀhûhâsiga ra ǂgan, in ǂkhaigari hâ tsî ǂhanu tama ǁaxasina ǁ­aeb ai ǂhanub mâisana ǂanǂan,” tib ge ge ǀamǀam.