Kaviveterue Virere

ǀKharisi ǀAwemā!nandi tsî !Ā!nāsi ǂgaeǂguidi nē kurib di di !nâs ge ǂgaeǂgui ra Swapo !nansa ǁnāti ī !âis !nâ nî ǁgausen, hā ra ǁhûis hoas !nâ gu ǁhûi-aon !gôagu âsa ra ǁgôa ǀnîkhami ī !âgu hîas ǀgaisase ge mâ i gu !nâs ǂnamipe.

Nē ǂans ge ǂoa ge wekheb di Wunstaxtsēs ais ge ǂNûiǂgās ǂHanub Xoaǁguigu tsî ǁGaraga ôa!nâs disa (IPPR) gere ǀgoragu !gôaga xu ge ǂoaxa. Dana!khais “Namibiab 2024ǁî kurib ǁHûis di !Gôagu !nâ: ǂKhawu kai ǁGoeǂamsa, ǀGorasasiba Mâ!oa ra !Nandi ǁ­aegu” ti hâs !nakas ge nē ôa!nâs !nurigu gere mâi-ai!âhesa. ǂOa ge kurib di hoa!nâ-aixa ǁhûis !nurigu ǂnamipeb ge ôa!nâs !nuriba ra mî, mûmûsa ǀkharaǀkharasib Namibiab di ǂgiǂgos ǂnamipeb !nâ a mûsa !khaisa, mâ!oa ra ǂgiǂgo!nandi hāǀaro ra ǁhûi-aon !gôaga ge ǀhaoǀhaobasen, xawe a ǀgorasa !khaisa.

Max Weylandti, IPPRs di ôa!nâ-aob, ge 2024ǁî hoa!nâ-aixa ǁhûis di !nuriga !oe!ā, ǂans hîa !khraga ǂgiǂgosi ǁhûi!nâǂharide xu a ǀhaoǀhaosasa xu tsî gere mâi-ai!â mâtis Swapos, kurigu !oede ge tsâkhāhe tamase !khoegaru isa, ǁîs di ǁhûidomga 2019ǁ­î kuriba xu ra ǂkhawusa tsîs !hūb a ǂhabase ­ǁîs !gôaga ge ǂoa!nâsa. Nausas, ra ǂgaegui ra !nansa !nāsa ǁhûidomga !hūǁîna xu !khō!oa, xawes gaisa ǀnûgus !nâ mâ!oa ra !nandi kha hâsa, !gōsase kai!âdi !nâ. “Nausa di mâ!oa ra !nande noxopa kaise a ǀgorasa, xaweb ge ǁîdi !gôaba ra arosen tsîs ge nēsa demokrasis !aroma kaise !gâise ra mûsen,” tib ge Weylandta ge mî. IPPRs ge !khâikhoms ase gere mîs ge mâ!oa ra !nandi tsîn ǁîdi di ǁgoaǂuide ūhâsa.

“Kurigu ra īse ge !gāsa !khais ge, ǂgom!gâban ge ǁhûi-aona ǂgaeǂgui ra !nans !nâ a ǂoa!nâsa, xawes nēsa ǂâibasen tama hâs ge ǁîn ge ǂgom!gâba mâ!oa ra !nandi !nâ a hō !khaisa,” tib ge gere ǁgui!ā. “ǁHûi-aon ǀguixasib di ǂkhawus tsî ǀoro !gôagu !nâ xoamâisendi tsî ǁhûi nîse īs digu ge ǀgaisa ǁgoaǂuis ase hâ, ǁhûi-aon ge hoa ǀkhākha !nâ ǂgom!gâba a ǂoa!nâ xuiao,” tib ge ge ǀaro.