‘ǂHanuo! nâ sîsens’ ge ǁau!khōs ǂharugub !nâ hâ … ǂHanub ǂgui miljundi !n H marisa ra  ǂoa! N ǂHÂbasa tamase ra !khŌhe !gamhuriǁuib ǁaun tsî ǀnîn !aromase

 ‘ǂHanuo! nâ sîsens’ ge ǁau!khōs ǂharugub !nâ hâ … ǂHanub ǂgui miljundi !n H marisa ra  ǂoa! N ǂHÂbasa tamase ra !khŌhe !gamhuriǁuib ǁaun tsî ǀnîn !aromase

!GOMENǁGAMS – Namibiab ǁau!khōs ǂharugub ge miljundi !nâ hâ maride ra ǁkhōǂgābasen, ǁnāpab ǂhanuba ǂkhari !âro-i ǂhâbahe tamase ra !khōsāhe huriǁuiba xu ra domdore hîa, tib ge māǂuihe ge !nuriba ra mî. 2023ǁî kuribn ge mā-amsa !khōhe nîse huribǁuib xūn !gôagu !auga ra ǁnāpa !khōǂgāsa tamase !khōhe xūn di ǁkhāsiba N$428 miljuns ai ge mâ i. 

Nē marisa xus ge 15% ǀguisa, ǁaupexa N$64 miljuns guise ǂHanub ǂgaes !nâ ge ǂgâ. !Nāsa !âb nē hōǂgādi dis ge ǁau!khōs ǂnûiǂgādi !omgu !nâ ra ǂgâ. 

Nē mâsib ge ǂâiǂhansensa ǀnîsi a hâ ǁkhā ǁau!khōs ǂnamipe hâ daoǁgaugu, ǁgaragu tsî xoaǁguigu !nâ !nubusin xa ra khâikai tsî ǁkhāti !gamhuriǁuiba hîǀhurus ǂnamipe. 

Ministeris nē !ereamsa tanihâs di mîgowaba-aos, Uaripi Katjiukuas ge ge ǂan!gâ, nē !nôa ǁkhau!khōdi, ǂhâbahe tamase ra !khōsāhe huriǁuib ǂnamipes ǀgaisa ǁgoaǂuisa hâsa. 

“Ministreris ge ǀgaisase ra ǂâiǂhansen nē !gôagu ǂnamipe. ǁNā-amaga da ge !âǀhuru-aon nē ǂharugub !nâ hâna ge ǂgan, in oresa a hā-ū ǁkhā ǀawedi tsî ǂâiǀgaugu ǀkha ǂherexa. Sida ǀkhāba xu da ge ǁkharab ase nî mātarehe maride ra ǀaro!nâ ǂgao tsî ǁnās xōǀkhā ǀkhamasa ǁgaraga sîsentsoatsoa kai ǂgao,” tis ge mîgowa-aosa ge mî. ǁAu!khōs ǂnûiǂgādi ge a mā-amsa ǀnîkhamikō persentasis di ǂhâbahe tamase ra !khōsāhe huriǁuiba ūsa, xawe gu ge nēs ǂnamipes tsîna xoaǁguiga hâ. ǁAu!khōs ministeris di ǂnûǁkhaebara direkters ǂhanuxoaǁguigu, ǀaweǁguigu tsî sâuǁkhāsib !âb dib ge ǂoa ge ku a māǂui !nurib !nâb ge ǁîba hâ a îganǀgeb nē mâsib ǂnamipeb xa gere mî, ǀnî !khōdi !aromas ǀkha a dīhe ǁkhāsa nē ra !khōhe huriǁuib ǀgaisa hōǂgāsa sâuǁkhāsib !aroma a ūhâ ǁkhā amaga. 

Xoaǁguisa ǁgaragu ra mî, ǁau!khōs ǂnûiǂgādi 5%gu ǂhâbahe tamase ra !khōsāhe huriǁuib ǀguiba a mā-amsa !khaisa. 

Horse mackerel ǁau!khōs !nân ge ǂhâbahe tamase ra !khōsāhe huriǁuiba 37,434 metrike tongu ai mâ ǁîna xun 16 007 metrike tongu ǀguiga a mackerel hîa. Hake- ge 12,833 ai mâ tsî pilchards-e 12,610 ai.