Abraham Mwanyekange
Omupresidente woNamibia Football Association (NFA) Robert Shimooshili okwa holola kutya Eeshoke Chula Chula otadi ka kufa ombinga mekopi loCAF Confederation. Chula Chula otaka kufa ombinga moudano ou konima eya ponomola onhivali molixa yotete yaNamibia neudo.
Shimooshili okwa ti kape na eshi tashi keelele Chula Chula oku kufa ombinga mekopi olo hali danwa keengudu detanga domenenedu laAfrica.
Okwa fatulula ta ti ovo tava popi kutya ekopi ota li ka danwa ashike kwaavo vavena po oCAF odanakalindi.
“Ekopi laNFA ota li xulu mo31 Juni 2026. Lo olo efiku la xuuninwa lokuyandja aishe oyo ya pumbiwa opo ku kufwe ombinga mekopi loCAF confederation,” Shimwooshili ta ti.
Shimooshili okwe yeleka kutya ita va dulu oku longifa omufindani woNFA molwaashi ita ka mona efimbo lokuwanifa po oipumbiwa moule weevili.
Shayela kutya Chula Chula ngeenge okuna ehalo nokwe li longekida oku ka kufa ombinga omhito oye mu yeulukila paife opo a ulike ehalo laye ye a wanife po oipumbiwa yoCAF,” ta ti.
Ekwashilipaleko ole ya konima eshi omunashipundi woChula Chula Alfred Haufiku kwa li a nyolela koNFA mo30 Apilili 2026 ta lombwele o NFA kutya Chula Chula okwe li longekida oku ka kufa ombinga mekopi lo CAF Confederation.
“Otwe li tula mo oku kakalela po esiku lomapendafule. Ohatu ka kala onga ova kaleli po vaNamibia pondje efimbo loudano,” ta ti monumwafo.
Chula Chula okwa ti otaka longela kumwe nongonga yokatanga moNamibia ngeenge tashi uya komalishangifo, oipumbiwa youpale naikwao ta i pulwa.