Xoa-aob: Deon Schlechteri
׀AEǁGAMS – ׀Aeǁgams ge ǁîs di ǁaupexa 300 000sa !nā hâ ǁan╪gāsaben âs ׀kha nē ǁaexa i ra o ╪huwib xa ǁnāxū╪uihe tamas ka io !kharu׀khāhe tama hâ. ׀Nais ge ׀Aeǁgams !nā!khōmais ׀ae׀arisa a ǁaxa tsēkorobe ǁaupexa ǁkhaisasa xu disis kōse ra !gôa!gôahe ╪huwiga ׀aris ׀kha ׀Aeǁgams tsî ǁîs di ╪namipeb ai.
Nē kurikamab di ǁnaetisa ╪oagu ge nē mâsiba noxopa ais ǁga a khora╪ui ǁkhā !goaxa tsēdi ǁaeb !nâ. ׀Hawese sîsen hâ mâisab, Aeǁgams ׀Ae׀aris !âb dib, Brixadir Jeffrey Mayangab ge ǁari ׀gaisa ╪gansa hoa ǁan╪gāsaben ai goro dī, in kaise !hae ǁaeb !nâ hâ ka ǁîn ǁanǁguigu !nâ ׀ae╪huwiga !nuri. “Sid age hoaǁae ╪homisase rah â tsî hoatsama ╪âu׀oa hâse a ǁkhāǁkhākhâisa nē mâsigu !nâ sîsensa. Sida ge ╪hâbasaxūn hoana ūhâ mâ !nôa ׀ae╪huwi-i ׀gui-i ka xawe ׀ari╪uisa, xawe da hoara ra ╪gans ge ǁan╪gāsaben di sîsenǁareba î da ׀hûǁarebese hâ ǁkhā nēti ī ׀ae╪huwigu xa !aromahe hâse ǁōga ǁkhae.Sida ge !khâba sauru tama hâ, xawe ׀aede ra ׀ari,” tib ge Mayangaba ge mî.
!Gôakhâigu ge ra ǁgau ǁkhaehe ǁoasase gere hâ ׀ae╪huwigu kai ╪khôaba Namibiab ╪hawase ge dīsa, ǁaupexa ge korosa xu hû miljuns !nâ hâ hektarga ╪nâsa ǁkhâgu !nâ a ╪khôase.
Nē mâsib ǁkhāti Aoǁkhumuǁkhâb !nâ ra ׀gaise ׀gaisa ╪oa mâsigu xa ra ׀aro!nâhese.
!Aru׀îb ge Mayangaba ge mî, ׀ae׀aris tawa i ra hā, ob ǁîn sîsenna ╪oab xa ra !gom!gomhesa, ╪kharirose go ׀gui ǁanǁguib !nâ a tsoatsoa ╪huwib hânab ╪oaba nî hâs karao kaise !haese !khoe tsî buruxa ╪khôaba a !aroma ǁkhāsa.
׀Ae╪huwigu ge !nāsase omdi hîa ׀gâ╪am!nâga ūhâgu tawa ra hâ tsîn ge ǁnāti ī om׀honkhoena ra ╪ganhe in nē !khaisa kaise ǁgariǁgarisa xūse mû tsî ׀khawa ra ǁgamamde ǁnāpa ╪nûi, ╪huwib nî hâs kara o !haese huisens !aroma. Nēti ī ǁkhaeheǁoasa ╪huwib ge ׀nî ǁaega napab xa ra !aromahe ׀apiǁaegu !nâ, xawe !nāsase khoen xa ╪nâsa ǁaegu !nâ. ׀Hae╪huwib ge kaise ׀gaisa ╪khôaba ūhâ ׀gurun tsî hain tsîn on ra ╪khôadīhe amaga tsî ǁnās ׀kha !narisarima-aon di ╪gâxas tsîna ra tsâ׀khā.
“Hâ ǁkhā ǁgauo!nâsiba ╪khôadīb ׀ae╪huwib !nâ-ūb ge ╪khawadīb ׀kha a ׀gui tsî ╪hâbasa tsî ǁkhāti ׀gaisa ǁkharaba nî ǁgui-aihe, nēs !û╪ams as era !gawa׀îhe xui-ao,’ tib ge Minister Mutorwab, ministries !Hana╪gās, ǁGam-i tsî !Aub!ûi!gâs diba ra !khâikhom.