Muñoli: John Travolter Matali
WINDHOEK: Mapokola ba sikiliti sa Otjozondjupa ba sepisize mupuzo ku mutu kaufela ya ka ba tusa mwa lipatisiso za bona ni ku kona ku fumana bao ne ba uzwize ka ku sebelisa litobolo za ku bapalisa.
Banna ba balalu bao beba tinile inge malonda neba uzwize mali a likana N$818 000 ka ku sebelisa litobolo za ku bapalisa la mukibelo leli felile. Masholi ne batinile inge malonda, mi masheleñi a ku lubelwa na zongiwa kwa libaka ze talu ze shutana mwa tolopo ya Grootfontein, kwa litolo zabo Botma Trading, Grootfontein Super Spar ni Woerman Brock.
Muzamaisi wa lipatisiso mwa sikiliti sa Otjozondjupa mutopehi Moses Khairabeb na bulelezi ba mu tende wa New Era kuli, masholi neba tinile litino ze swana ni za malonda. Ku latelela lipatisiso, ne ku fumanehile kuli neba shimbile feela litobolo za ku bapalisa ze nsu.
Banna bao neba zamaya ni yo muñwi wa bune yo neli mukwayezi wa koloyi mo ne ba balehezi masholi, ili koloyi ya mubala o mu nsu ya Golf GTI ye sina nombolo.
Mapokola banani libaka le litile la kuli musebezi o ne li wa mwa hali.
Ne ku fumanehile zwelo pili yemwi mwa lipatisiso ku zwa la mukibelo le lifelile, ki ka baka leo mapokola ba izo tatuba mwa ndu ye fumaneha mwa tolopo ya Tsumeb, kono ka bumai ha kuna zene fumanwi mwa teni.
Khairabeb na ize baka e keza ni ku isa lipatisiso za bona kwa mutulo mbowela wa naha ka kuli ba lumela kuli baba kulubelwa ba kona kuba mwa tolopo ya Rundu. Mina zwezi ku bulela kuli malonda ne basika talima kwa lifateho za li bangoki zeo bakeñisa ku saba, mi bupaki feela bo ba sweli mapokola ki palo ya libangoki , palo ya mashileñi a na u zwizwe ni mubala wa koloyi mo ne ba kwezi libangoki.
‘’Lusa sweli ku zwela pili ni li patisiso mi ka nako yee lu isepile feela kwa tuso ye zwa kwa sicaba’’ hape na zwezi ku bulelela ba mutende wa New Era kuli, ba beyile li yemisa la fa mukwakwa kwa ma kenelo ni mazwelo a tolopo ya Grootfontern, mi ni ha kuli cwalo ha ba sika fumana kale ka labo ye sepisa.
Mapokola kwa Mururwani ne ba konile ku yemisa koloyi ye swana ni yo ne ba kwezi libangoki, kono motokala yeo yona ne na ni nombolo mi mukwayezi wa yona neli musali. Ku latelela museco wa koloyi yeo mo mone ku sika fumanwa bupaki bo bu batahala, mapokola neba lumelezi musali yo kuzwela pili ni musipili wa hae ka samulaho a kuñola litaba kaufela zene li tokwahala