Rundu- Udigu ou wakaara asi nosure kwato yipundi konosure mbali edi dakara moRundu ngesi kapi navakara nawo hena kutunda tupu opo kavagwene mbatero zoyimaliwa yokusika koN$90 000 kayitundire koKDG eyi varuganesa mokuwapukurura yipundi. 

Egano eli kuna kumoneka asi lina zin are mosirugana omu vana wapayikeko yipundi 200 ntani yitafura 189, eyi kavageve nare paveta kosure zaDR. Romanus Kamunoko ntani Dr. Alpo Mbamba secondary school sivike sina puko. Projeka zangesi kwazirugana mudivi yihongagura gomomukunda, Mbangura woodcarvers, ogu nye gapongayika yipundi yokuteka ayi wapukurure yiwaperere momunene omu vapilire kuyindindira. Apa nye kahuyungire posilika sangesi mukurona gerongo momukunda Christine Shilima kapandwire e r uganeno kumwe lina karapo pokatji konokampani dopaumwene ntani egendeso lyerongo momukunda. ‘’ 

Ose kugwana mbatero kovanangesefa vetu, apa ngesi vana rugana nawa eyi vana wapayike yipundi eyi yazonauka noyitafura eyi kwayirugana nye vaKDG autolink omu nye kava vaterere vanona ava vana pumbwa yipundi noyitafura,’’ yimo ana kutanta Shilima. Simpe aga kuna kufaturura momunene asi egano eli lyokuwapukurura yipundi noyitafura vayiruganese hena pontambo zosekondere kuna kumoneka asi epangero nali ruganesa yimaliwa nye eyi vatambesere koyipundi yirugane nye kompumbwe zonene ezi zina kara nye konosure doprimere. Shilima age kapandwire Mbangura Woodcarvers omu vana rugana yipundi noyitafura eyi. Eyi kuna kulikida asi tuna kara nanayinye yokuvhura kurugana nyamwetu, mokuwapukurura yihepwa yokosure. 

Apa nina hafa unene kweyi nye muna rugana one. Uhwi ou kuna wiza posiruwo sina wapere unene kosure zaDr. ERomanus Kamunoko secondary school ano mukurona sure Raphael Hamunyera kageve ruhafo rwendi nokutanta asi vana mugusa moudigu umwe. Nokunongonona asi udigu ou wokupira yipundi kuna kumupa erondo lyohonde” unene apa nye vana kuza bvakatjange makonakono kehagero lyomvhura. “ Ngomukurona sure, morwa apa nye twatamekere nomakona kono, konyara vanona wokusika ko 60 kapi vakere noyipundi nampili yitafura kwato. Uhwi ou kuna wiza posiruwo sosiwa unene.’’ Dr. Romanus Kamunoko kavagwene yipundi 100 noyitafura 87, ano Dr. Alpo Mbamba kagwene yipundi 100 ano yitafura 102. 

KDG Autolink, evango eli lyadivikwa omu avarugana yinionke yomulyo unene ayitundilire koJapan oku ayitundu, twahepa kuvapandura eyi vana wizamo nawo vavatere munona gomoNamibia. Vagendesi erongo momukunda kavahundilire konosure edi dina gwana uhwi ou vauruganese monaruwa yipo asi vanona vana kukawizako nawo ngavakayiruganese.