Munoli: Tunomukwathi Asino
WINDHEOK – Ya etelezi banana ba makandauko yena Joshua Joseph Shivute u hanile taba yaku sa latela mulao ili mwa sibaka sa swalelele seo ba izi ku sona imi a talusa kuli ku yena bao kaufela bali mwa sibaka seo ki mizwale ya hae ya michaha hamoho cwalo ni likezeli za hae.
A talusa kuli pulelo yaku sa latelela mulao i tile ka samulaho wa taba ya Paulus Mweshi Petrus yo na li yo muñwi wa banana ba makandauko a fumaneha kuli na li fa pila muatuli wa libangongi ka taba yaku nata musali ya nali wa sikwata sa se ne si tibelezi fa sibaka sa swalelele. Ne ku bulezwi kuli musali yo na hanile ku eza kezo ya ku somana ni Paulus.
Shivute u talusize kuli banana ba makandauko a ba batani (kapa ku nyalana) kakuli lu inzi mwa hala luna beñi sina mitangana ni likezeli za luna beñi.
Libiki ze peli ze felile ba New Era neba ñozi mutende o talusa kuli Petrus na lindauzi Frieda Mokhana ka kweli ya Sikukulu ka li 31, imi na mu lindauzi mwa sifateho, sifuba ni mwa mba, ka ku bata ku mu holofaza ka ku shiya mubili ili mwa sibaka sa maikatulo (park) sa Okahandja ili mwa Windheok mo neba ezize maino a bona a swalelele.
Ne ku talusizwe kuli, yona nako ya na natakilwe yena Mokhana na kile a hana ku somana ni Petrus. Kono biki yee, Shivute u talusize kuli Mokhana na natakilwe ka taba ya foni ye ne latehile ka nako yeo Petrus na kozwi bucwala.
Petrus a ekeza ku bulela kuli ha na ku lumelela likezo za bu bangoki. Haiba ize ku ba cwalo u ta biza mapokola. Shivute a talusa kuli yena ki yena yo muhulu wa ba ba li mwa sibaka seo sa swalelele ni ku talima litaba za bona imi u yolile munna wa libizo la Abraham Ampembe ka nako ya liketisa.