OSHAKATI – Victoria David omunamido 61, okwa ti mongeshefa yokulandifa oinima yopamufyuululwakalo okwa waimina mo nale momudo 1984, eshi a tameka okukala ta landifa oinima yaye yOshiwambo.

David okwa ti oinima ei ha landifa ongaashi oimbale, oimbaba, oupindo vomalodu osho yo omaholo. 

“Koikulya yopamufyuululwakalo ohandi landifa omaungu, omanghili, eembe, eembu, omatumbula, omaka naikwao ya wedwa po,” ta ti. Okwa twikila kutya ye nghee a dalelwe a longe pamwe vali pehe fi momatala, eependjela nomauliko oipindi ta landifa oinima yaye oyo. 

“Ame mwene ondi na ounona ve li vahamano, ndele aveshe omo ashike nde va fikolifa mongeshefa omu,” ta ti. 

Yee vene vati odalele yaNdangwa, naashi oshilongo shatameka oku kala tashi xumu komesho opo nee ngaho ndatameka oku kala handi ende nomauliko opindi handi shingifa. 

“Ngeenge tashiya poimbale noimbaba ihandi kalanda kovakulupe momikunda opo ndi dule yoo oku vasopata, ame handiya oku ilandifa,” ta ti. 

Okwa twikila kutya nonande aishe yakala tai ende nawa ngaho, natango oha kala a taalela omashongo ngaashi efiku pehena aa customa, ashike okuna ngaho ounona neumbo apumbwa oku fila oshisho. 

“ Natango onda panda yoo onghalo yange shaashi oya longa ounona vange vakale ova lininipiki noku kala hava longo noudiinini opo vadule oku shendja onghalo peumbo,” ta ti. David natango okwa ti okwa pandula yoo omauliko oipindi ashi hama dulu oku mupa omhito yoku landifa, noku li nyangela.

“ Ngaashi paife ondili moTotem, okudja apa ondauka kEenhana, okudja kEenhana otwa finda koTsumeb shee hatuya nee tushimanene mOngwediva Trade Fair,” ta ti. 

Okwa pandula yoo omalelo eedolopa eshi haa etapo noku tupa eemhito doludi eli opo tudule oku li nyangela. 

Okwatwa yoo ovanangeshafa vakwao omukumo vakale hava kufa ombinga momauliko oipindi unene tuu ava hava ningi ongeshefa yafa yaye shaashi oha mu kala omhito iwa yoku kulifa eengeshefa davo. 

taimihaihambo2000@gmail.com