Munoli: Roland Routh
WINDHOEK – Muuna ya na li lisole kale wa libizo la Gerhard Komeya na tamezwi taba yaku bulaya mulatiwa wa hae ya na sebeza musebezi wa bupokola bwa mwa tolongo ya na na ni lilimo ze mashumi a mane ni lilimo ze peli wa libizo la Maria Kerttu Tunondjambi Sheehama, na mu kunupezi mwa ndu ya bona ye neba ina ku yona mwa sibaka se si zibwa Havana ili mwa Windhoek mwa kweli ya Imunene 2011, Komeya a talusa kuli na bata ku ikemela mwa taba ya yae yena muñi. Na taluselize muatuli yo muhulu ili yena Petrus Damaseb kuli u katezi ku yemelwa ki bayemeli ba mubuso kakuli ha ba ngi taba ya hae ka buiswalo ka kuli ba sweli ku izamaisa ka zila ye sa swaneli ka nako ni nako. Ki kafoo u kupa muatuli kuli a kone ku ikemela yena muñi mwa taba ya hae. Muatuli na mu alabile kuli kwa konahala ku I kemela kono a mu eleza ku sa eza cwalo.
Ka kuya ku Komeya, bayemeli ba mubuso ha ba sika kopana kale ni yea mwa sitokisi (tolongo). Taba ya Komeya ne kena mwa kweli ya Sikulu ona silimo se, kono muyemeli wa mubuso yamu yemela wa libizo la Mese Tjituri, a kutela mwa mulaho ni ku itatula ku mu yemela ka kusa lumelelana ni bupaki bo ne buli fa mapampili.
Tjituri a bulelela muatuli Nate Ndauendapo kuli ha koni ku zwelapili ku yemela mofosi, ili yena Komeya.
Taba ye ne tisize kuli taba ya Komeya I kutisezwe mwa mulaho ni ku bata muyemeli yo munca kuli a mu yemele mwa taba ya hae.
Kameya u akalezwi kuli ki yena a bulaile mulikana hae wa lilimo ze Mashumi a mane ni lilimo ze peli (42) ili yena Maria Kerttu Tunondjambi Sheehama, mi hape u lobile mulao wa mwa sibaka sa maino mi ni ku ba ni silwaniso se si bulaya mwa ndu mi hape ni ku lika ku pata bupaki kwa kuta ya sicaba.
Ku bulelwa kuli Komeya u bulaile Sheehama iza ziba kuli u eza kezo yeo ili mwa sibaka mo neb a ina teni.
Ka kuya ka mapampili a bupaki, Komeya na pwachuzi foni ya mufu ili fa sibaka sa Erf 594 mwa mukwakwa o bizwa Omutula, imi na sweli ku huweleza kuli u ta bulaya yena Maria ni Ku bulaya bana ba bona.
Ne ku talusizwe kuli naba bizize kaufela bona ni ku kunupa ni tobolo ya hae mwa nekulene ba inezi, imi mufu na natilwe ki lilumo mwa sifateho ni ku mu bulaya. Mwana hae wa lilimo ze peli na holofezi mwa kunupo yeo, kono na punyuhile mi na fumani likolofalo ze nyinyani feela.
Ku bulelwa kulo mubulayi na beile lilumo la bubeli mwa tobolo ni ku supa Rebbekka Sheehama ili yena munyana mufu, mi na belehile fa kezo iza sika holofala. Ka ku ya ka mapampili a bupaki, Komeya na ikiyezi yena muñi mwa hala ndu ku fitela mapokola fa to fita, mi bam u taluseza kuli a kwalule munyako, ka samulaho a ku kwalula bamu tama mawenge.
Mapampili a bupaki a paka kuli yena Lomeya na kile a lika ku zwisa bupaki bo bu kona ku mu paka kuli ki yena ya ezize taba yeo mwa ndu, ka ku eza cwalo na bata ku nyemisa mapokola bane ba batisisa taba ya lifu ni kolofalo ya mwanana.
Komeyo u salimwa sitokisi mwa Windhoek aza litezi ku atuliwa.
Muatuli Damaseb u laezi bañoli ba mulao kaza taba ya Kayemo ni kuli I bonwe mwa keli ya Njimwana, 14 ona silimo se.