BALIMI ba munzi wa Muyako mwasikiliti sa Caprivi se banze ba patehile ni kukutula masimu a bona mwaLisa le lina ni mubu o nunile hande ni kufita, ili lona Lisa la Ilyambezi kasamulaho mezi a munda ana maata kuzwelela mwalinuka tuna za sikiliti ze cwale ka Lyambai ni Chobe a apesa Lisa tuna kaufeela.
Simpangaliko se, sesi tisize kuli mane balimi kaufeela ba kutule lico za bona ka putako ni kuli tutiseza mwalibaka kapa minzi ye sina likayamana leli swana lona la munda, ka sabo ya kutobelwa ki mufufuzo kaufeela wa kulimela lico ze n`ohola.
Mikolo ya kubeta ki ye I swelwi kuno itusiswa mwanako ya cwale batu ha banze ba sweli kuno kutula ha baba sina mikolo bona banze ba sweli kuno kena feela mwamezi ka mautu kakuli ba saba kuluza.
Mwalilimo ze felile ka libaka la kuli mubu wa teni una ni mununo o swanela, Muyako neli munzi wa njimo ko mbonyi ya sikiliti ye nunile hande nenze I kutulwa ten`I hande ha kubapanywa ni silimo se.
Munzi neu lekisezanga mi mane usa zwelapili kulekisezanga lico za ten`I kwamakampani a malalu a sikiliti a itengile pisinisi ya kuleka lico za njimo za sikiliti, sihulu mbonyi hala lico zen`wi.
Nihaike balimi ba munzi wani ba zibahala hahulu ka kuba balimi ba kutulo yende mwalilimo ze felile, silimo se ha sina kuba zamaya hande kalibaka la munda tuna o apesize sikiliti ni la bukacenu le.
Bun`ata bwa bona balimi bene ba kile ba ikopanya ni mutende o neba kile ba tumusa kaza lisinyehelo ze, zene tile ka libaka la munda tuna o
Neba ize, kwamakalelo nenze kubonahala hande mi neba sa boni kuli mane mezi a munda a kona kumaata ni kuapesa masimu a bona a lateha a sina la bukacenu le.
Simpangaliko se ha si sika tisa feela likayamana kwabalimi ba munzi wani u nosi kono mane ni minzi yen`wi ye ikemanga kwamunzi wani kuli kufumanwe peu.
Bun`ata bwa bona balimi ba munzi wani ni minzi yeli mabapa bali kakuli simpangaliko se nesi tile mwanako yeo teko ya mbonyi se pahami, bupilo buta ba bela butata.
“Halu zibi sa kuca silimo se, lu inzi feela mwasabo ya lukupwe,” ne kubulezi membala wa mun`wi yo mun`wi.
Ze ni halili cwana, mwamazazi a felile, limbayambaya ze tuna zaba Likolo la Sisole ni Silelezo neli kile za tusa balimi ba Muyako ka kuno ba tutiseza mbonyi ya bona kuisa mwaminzi yeli mabapa ili ye omile mwanako ya cwale.
Ka kubona kuli mwamezi moba sweli kuno kutulela mbonyi ya bona muna ni bukiti mi kacwalo kutokwahala lisebeliso ye shelana ni tuso ya kwande kuli musebezi u nolofazwe, balimi seba kupile ba mubuso niba makampani kuli ba tuse kamo ba konela kaufeela mwanako ya cwale ye.
Balimi ba sana ni sabo ya kuli, kakuli Lisa lisa tezi ahulu mezi ba saba kuli palo ya likwena ita pahama ni yona ni kusabisa bupilo mwasilalo kaufeela.
Neba kile ba itumela kwaLikolo la Sisole kwatuso yene li kile la bapala mwamungendenge kaufeela.
Neba tiisize hape kuli kamba bana ni mikolo ya sikuwa ona tumabboti, kutulo neta zamaya hande ka bubebe.