Vaporosi vanatura N$60 000 poruzera asi nkenye ogu nagwa-na vadipangi ava tava zimupe.Eyi kuna kwama apa kavagwene mukadi vana dipaga konzira zokuza koOkahandja otunde koWindhoek mosikondo vike kasipwire.
Chief Inspector Angula Amulungu katente nkenye ogu ana kara nouzera augave kwa Inspetor Unandapo ogu gakererapo youkorokotji kofunguna ezi 061-2094302 ndi 0811240521 ndi kositasi sovaporosi esi sakara pepi.
Vaporosi navayipandura nsene asi vantu navalituramo mokukohonona udigu ou ntani wana kufa Mabula Juanita.
Age simpe kahundilire nkarapamwe zivatere mokukadimburura nakufa ogu.
Kuna kumoneka asi tayikara yidigu mokudimburura muntu ogu asi nomvhura dendi dingapi morwa vantu vamwe kuneta kupitakana nomvhura dawo yimo ana kutanta muporosi.
Kwato ogu vana yikwatere nye ekona-kono lyovaporosi kuna kutwima.Vaporosi simpe kuna kukona-kona simpagwa omu mugara gonomvhura 30 Desmond Sababwas kavamulyete nehauto nokufa poopo.
Ehudi eli kalihoro-kerere positasi sokunwisa maholi vana kutumbura asi Monte Cristo konovili do 19h00.Nakufa kafililire poopo.Dogoro ngesi vaporosi kapi vana gwana asi ehauto lyalye kalidipagere muntu.
Mokukwama owo kava kerepo ehauto eli kali kere lina genderere ntani hena mundema Mokukwama owo kava kerepo ehauto eli kalikere lina genderere nahena mundema.Ekoro lianakufa kavavatanterere.
Simpagwa simwe muntu gumwe kafililire monzugo zendi mokupya mundiro dogoro nokumudivasi asi yilye. Eyi kayihorokerere korukanda rwaHakahana moWindhoek.
Nakufa kava mudimbwilire asi yige Kalimbwe Tale.Tale kapililire monzugo zendi mosondaha koyiha yonovili 05h45.Nomvhura dedi dogoro ngesi kapi vana didiva.Ano mukurwendi yige kaya mudimbwilire.Vaporosi dogoro ngesi kapi vana gwa asi yinke kayireteserepo mundiro ogu.Nayinye eyi gaweka kayipire.Simwe esi vana kukona-kona ku-na kara simpagwa esi kasihorokere kofarama omu simpu kavasigwene mosinyongo soyikombo kofarama vana ku-tumbura asi Schlip na Klein Aub.Nakufa ogu simpe kapi vana diva asi yige yilye nokugatunda kupi.