Omupresidente Netumbo Nandi-Ndaitwah okwa ti oshikondo shomahooli noikwanghono osha fimana molwaashi otashi kwafele okuyambula po eliko loshilongo osho yo okueta po eemhito doilonga. 

“Natu longeni kumwe okuyambula nokukaleka po oshikondo shomahooli osho yo noikwanghono,” ta ti. 

Nandi-Ndaitwah edi okwe di popya onghela pefimbo kwa li ta patulula pambelewa omutumba tau popi kombinga yoshikondo shomahooli noikwanghono. 

Paife ngaha oshi li oshikando oshitihetatu omutumba ou tau ningwa omo ovanhu va dja kondje yoshilongo mwa kwatelwa ovanambelewa va dja koshikondo shomahooli tava kufa ombinga komutumba. 

Neudo omutumba ou otau kufa ombinga koshi yoshipalanyole “Ondjila ya uka komahooli, oukumwe nexumokomesho. 

Nandi-Ndai twah okwa ti yoshipalanyole shomutumba ou otashi va dimbulukifa kutya eliko loshilongo olo ongudi ya kula nokuetela po exumokomesho. 

Omupresidente okwa ti Namibia ota kwashipaleka kutya oshikondo shoikwanghono otashi etele Ovanamibia aveshe omauwa. 

“Natango oshikondo shomahooli noikwanghono otashi nane ovanhu ve na ounongo tava di kondje yoshilongo opo ve uye okuyandja omadeulo osho yo okueta po oukumwe pokati koilongo. 

Okwa ti oshikondo shoikwanghono otashi patulula eemhito dihapu moNamibia ngaashi okueta po eedjo dipe, eemhito doilonga osho yo okutota po omahangano a yooloka. 

Omupresidente okwa ti oilonga iwa yoshikondo shoikwanghono oyakwashipalekwa kongudu tai pangele yoSwapo ngaashi naana ya udanekela oshiwana momanifesto yayo kutya eliko loshilongo ota li kaetela Ovanamibia omauwa mwa kwatelwa ovanyasha. 

Okwa weda po ta ti oshikondo eshi natango otashi pula komesho nelalakano opolongalama okueta po exumokomesho yedina National Development Plan 6 (NDP6). 

“Oilonga yetu oye li kwatela kondjodi yomudo 2030 omo Namibia ta lalakanene omunhu keshe okukala a mona omauwa okupitila meedjo doshilongo. 

-fhamalwa@nepc.com.na