OGABORONE
Ohoromende ya Tjawana ya ninikizirwe okuhenununa embo nda handjauka tjinene mehi orupa rumwe rwaro ndutja Ovaherero vehakaena monyama ondorondomba pomatando.
Ovanane vOvaherero mo Tjawana kavena indu vamuna onyune kaparukaze momaheya inga. Morukondua ndumarutja “ongaro yovitjitua vyomuhoko inyomona omahandjauriro wOndui yEhinga nEhinga,” embo indi marihandjaura otjitjitua tji tjiukwa otjo “tusira”.
Otjitjitua ihi embo indi maritja tjiuta no matoneno wozotenda nu ongurova yo komurungu weyuva rombakero yomuti ovandu avekakaene monyama okuyarurapo omuti.
Mo mahakaeneno wo monyama inga ngekara ko nganduu kombunda yombakero yomuti mbakupwa nokukupa vezemba otukurpo tua nganduu imwe yozoserekaze tji yatumbapara.
Otjina ihi tja pindikisa Ovaherero noruuro rwao tji ruhina rwazuvaka kutja embo indi rihenununwe momahongero avetanda okuyenda kotjombanguriro. Omatandero inga yavatera poo o Ministeri yOmahongero ya yendekera kutja kambuniko ombwa oyo okuvarwa nembo indi.
Otja kozomburo o ministeri indji novapitise vembo nOvanane vOvaherero vakarere no matiasaneno omaparanga navezuvasana kutja embo indi rihenununwa mo mahongero nu rikotorwe otupa kangamwa ohunga noviwana tji tuazemisiwa. Onganda ombitise yaitaverere okutjinda otjimariva tjo tjiungura ihi tji matji undjirwa okumanuka mo maandero wa Katjose ombura indji.
Ombara Johannes Maharero omunane wombazu wa Mahalapye ngwa kuramenene po Ovaherero mo matiasaneno kuno ministeri wa nakaurire kutja otusira tuungurisiwa ko ma hakaeneno monyama embo otja tji mariheye.
Omuhungirirepo wo ministeri, Nomsah Zuze, watjere moruyaveze mave kengeza kovinenge vyo momambo. Watjere ondjeverero yo ministeri kaina otjivi tjiyamuna movinenge membo indi posyo okurihenununa omondero yombwaneno yotjiwana.
Omunane wonganda ombitise yembo indi indji o Collegium, Johnson Chengeta, wa vyavangere kutja okuyarura po embo indi onganda ye maipitisa ape ozo Pula engete ehinga (ape Ozondola za Namibia kombanda yengete ehinga).
Watjere onganda ye ondjavaza ko Ministeri yOmahongero tjiyazuva kutja Ovaherero kavena ohange novinenge ohunga nawo membo indi. (Southern Times)