Abraham Mwanyekange
Ovanhu vahapu peenhele domalihafifo ovo va mwenyekwa kOmbwa yaKalongo ova kala nokulipula kutya okamati oko lye ha ka popi Oshiwambo kakele otaka imbi mOtjiherero.
Edina laye oye Hashondati Absalom Kaukolelwa a shivika nedina lomeengalo Ombwa yaKalongo vo vamwe tava ti Nghilonwa-Kunye.
Ombwa yaKalongo okwa dalelwa kOkalongo komukunda Eheke koshitukulwa Omusati, ta kulile kOnambome oko a kala nokulifa ngaashi ovamati vakwao have shi ningi. Koufita oko a tamekela ohole yaye yokwiimba.
Vamwe ta ve lipula nee kutya okwa shiva ngahelipi okwiimba Otjiherero. Ombwa yaKalongo oya ti okwa kala e hole eengalo dOvaherero. “Onda ka ninga elao eshi nda ka tembukila koSwakopmund, oko nda ka mona omhito yokulihonga okupopya nokwiimba mOtjiherero,” ta ti.
Mo2018 okwa ti okwa ya komu etipo woikwelenge Kamarama opo eke lihonge shihapu komaimbilo Otjiherero. Ta ti kakwali shipu petameko ashike okwa enda ngaho tashiva oka enda namadi.
Mopaife Ombwa yaKalongo oya pitifa okakaseta kayo kotete kedina Oruroto Ruadje (Ondjodi yange). Ovanhu vahapu ove hole ewi laye nohava landula eengalo daye.
Paife oku li oshilyo shovashikingalo Omamwili Ketemba. Kepulo kutya omalwashike iha imbi moshiwambo. Ombwa yaKalongo oya ti omusika kai na elaka, keshe umwe okwa manguluka okwiimba melaka omo ye ta dulu naalo a hoolola omo a imbe.