ǀAEǁGAMS – Mariǁhōn Ministeri, Calle Schlettweini ge ǁnāti ī !gâi tama mîǂgān hîa ÅAweǁguisa Hui!nâs Proxrammi Sîsenǂnuwis tsî !Hūsâuǁkhāsib ÅOmkhâis dib (TIPEEG) hîa 2011/12ǁî kuriba xu 2013/14î ge !amǂgāsa ib ǂnamipe ra dīhena ge !haraxu. ǁNāpab ge mîǂgān hîa McHenry Venaanib, ǂgaeǂgui-aob Popular Democratic Movements (PDM) dib ge TIPEEGs ǂnamipe a dīn ai gere oe-am soab aib ge Celleba ge mî, N$14.7 biljuns di ǁkhāsiba ge ūhâ i TIPEEGs ge !gâi sîsenǂuiga !hūsâuǁkhāsib Åomkhâis, sîsenǂnuwis tsî hōǂgādi ai ūhâ isa. TIPEEGs ge !nona kurigu ǁaeba nî !khōǂgāse ge ǂnuwihe îs sîsenosiba oe-ams ase, sîsengu ǁaerob Ågaiba nî hâgu tsî hâhâ nîga ǁawoǁawo, !hūsâuǁkhāsiba gaxu ǁaeb !nâ nî domdore kai omgu tsî ǂharugu!khaiga mâi. Nē !âubasendi ai nî dīÅoaÅoaseb ge TIPEEGs proxramma N$14.7 biljuns Åkha ge tsoatsoa tsî sao ra !âgu ai gere ǂâi-aiǂnûi !hūis tsî !hanaǂgās, !nari!oabadi, !narisarimas, ommās tsî ǂkhari-omdi tsîna. “ǁNā-amaga I ge ǁnāti ī ǁgâiǂuisende dīsa xū-e harebe tama ra ī tsî hâ a amab !nurigu Åkha nî ÅgoweÅnōhe,” tib ge Schletweinna !Haosi ǂNûs !nâ ǂoago wekheb Mantaxtsēs ai gere !eream. “!Hūsâuǁkhāsib di Åomkhâis ge 5.6 persentgu ai 2010ǁî kurib tsî 204ǁî kurib ai ge hâ i. Nē ǁaeguÅnōb Åomkhâis ge mûmûsase a Ågapi Ågaxu ǁaeb di Åomkhâis hîa 3.9 persentgu ai Ågui 1991ǁî kuriba xu mâb Åkha i kara ÅgoweÅnōhe o. Kurikorobe ge TIPEEGS aeb !nâ gere hâ Åomkhâis !gôagu ge !nae!khais hîa hoan xa a Ågapi Åomkhâis dis nētsēs kōses ase ra !gawaÅîhe,” tib ge Calleba ge mî. Mariǁhōn ministeri ge !aruÅî ge mî, TIPEEGs di sîsenxa kaihes Åkhas ge !hūb di hōǂgāsa ǁaupexa 60 persentgu Åkha a khâisa nāpas ge N$38.2 biljuns ai 2010ǁî mâ isa xu 2014ǁî kurib !nâ N$61.9 biljuns kōse a ǂharose. ǁKhā ǁaeb aib ge marihōǂgās !nâ hâ Åguitikō-o!nâsiba Gini ôa!nâs !khōǂgāb xa 0.58 aib ge mâ isa xu 0.56 kōse ge ǁgôaxase ge !nurihe. ǁKhāti i ge ǁkhā ǁaeb !nâ Ågâsib tsî Åguitikō-o!nâsiga ge Åoro. Kaise kaise ge ǁkhōǁkhōsa i Ågâsiba 15.4 persentga xu 10.7 persentgu kōse ge ǁkhôaxase ge !nurihe.