ǂNŪǂGOAES – ǂKhawusa ǁgâu-arisa xu ǂoaxa hâ ǀgamdisiǁkhaisaǀa kurixa Auguste Twapandulas ge ge mûmûsa ǂharugu-ao kai ǂNūǂgoaes !nâ. Nē aitsama ǂharugutsoatsoa-aos ge ǀgaisase ǀgomǀgom!gao tsî ǂhanuba koasa ge mā, mā!hūs hîas ge sîsenosiba ǀoroǀoros ai a ūb ǂama. Sîsenosiba ǂhâbasa ǂâisa ǂnûi-ais ǀguis ge ǀgâsiba nî ǀoroǀoro, !gōsase !hūb di ǂkhamsib ‖aegu. Nē ǂharugu-aos ge mîǁguiba ge ū ǁîs !khōǁôagu tsî sîsenga nî ǂnuwisa nau sîseno !hūǁîna huis ase.
ǁÎs ge Rosh Pinahs !nâs gere hâ ǁaegu !nâ saran, ǂûn hîmuxūn tsî DSTVs !aroma ǂhâbasa xūn ǁamaxus ǀkha ge tsoatsoa. ǁNā ǁaeb ais ge ǁîsa Rosh Pinahs !nâ saran ǁamaxū!khaib tawa gere sîsen tsî sîsenni aegu !auga nē ǁamaxūs ǀkha gere ai!gû. “Tita ge saran ǁgâus tawa ta gere sîsen ǁaegu ai N$700 ǁkhâkorobe !khō!oamaris ase gere !khō!oa tsî ta ge nēs xōǀkhā mariǀkhuwiǂuiǁgâus tawa hāǀaro ra !khō!oasa hōs !aroma gere sîsen. Ti ûib !nâb ge ǀkharaǀkharasiba a ǂgâxas ge 2013ǁî kurib ai ta ge Neckerdal ǁKhaeb tawa sîsen-e hō tsî ǂNūǂgoaes ǁga a doe soab ai ge hâ. ǁîs ge ǁnāpas ge sîsentsoatsoas khaos ai sao ra kurib ai ǁîs di ǂhunuma mariǀkhuwiǂuis ǂharuguba ge tsoatsoa tsî ǁnā tsēsa xu kō-oa tama ge i”. Nētsēs ais ge Auguistesa a ǂnīsa ǀhonkhoe Twapa ǂHarugugu disa tsîs ge ǁîsa ǂgaiǀons ai saranǁamaxū!khaib, ǁâudīga ǀaweǁguib ǂharugub, ǂûsâis, ǁgâiǁnâgna dīs tsî ǀasa texnoloxib ǂharugub !âb tsîna ūhâ. Twapas ge haka khoena !gaeǂgā hâ sîsenaose.
‖Khātis ge ǁîsa ra mî, ǂhanub ǀguri nē sîsenosib mâsib Namibiaba xandom hâba !gâi!gâb ǀkha gowaǀîhō tidesa. ‖Nā-amagab ge nēba !hūb di !gomsib ase nî ǂan!gâhe tsî mâ ǀguiǀguibe !âǀhuru-ao-i hoa-e ‖ î-i !âsa ǀoasase nî mâǀoa. ǂHâbasa i ge a !khō!omgus nî ǂhanub tsî aitsama mâbasenhâ ǂnûiǂgādi tsîn ‖aegu hâsa, ‖îdi tsîn ǀgaisase ǂgâxa tsî sîsenaona sîsenn ǂnuwis ǀkha nî huisa nē ǀoadisidi !nâ hâ !hū‖în ûiga !gâi!gâi!nâs ase.