Nomsa Dladla naDudu Muvhali oya li ya wayimine oshikonga shoka tashi ulike nkene ooveta tadhi ndopa okugamena iihakanwa yekwatonkonga. Omushangi ta ti kehe ehepeko itali taambwa ko.
Image: Elizabeth Sejake
Esiku limwe kahewa kandje Rachel okwa li mokati koondila, ta nyenyeta nkene omusamane gwe he mu ihumbatele a fa okanona. Ta ti okwa li omufukedhi, nonande iha gumu kolutu. Okwa li e uvite ta ningilwa omahepeko. Oshiholelwa, oshiwike sha zi ko okwa li e mu ningile omambandameko gokutya ote mu tidha megumbo oshoka ka li a nyanyukilwa iikulya mbyoka a li a teleka. Rachel ta popi wo nkene ha kondolola egumbo lyawo uuna a zi kiilonga ye oha nyenyeta ngela okwa mono mo nando okantsi kontumba. “Ngele ita ihumbatele ndje nda fa omuniilonga gwomegumbo, iti ihumbatele ndje nda fa okanona,” Rachel ta ti ngaaka.
Ta fatulula nkene omusamane gwe he mu dhimbulukitha kutya oye ha landa iinima ayihe. Oshoka oye ashike e na iilonga, ohe mu dhimbulukitha kutya okwa tegelela atonatele egumbo, ye ta ti ita ki idhidhimikila uunyenge womulukadhi gwe. Te mu pe omageelo pamukalo gwoku mu tindila oshimaliwa.
Oomvula noomvula okwa li i inekela kutya pamwe ota lundulula ngaa, ashike sha dhingi nduno unene.
Ohe mu keelelo melongitho lyoshimaliwa nomithika gwe megumbo okwa fa ashike okanonoa. Oku na okumona epitikilo nomiinima yanathangwa. Oshi ikwatelela ashike kuye mwene ngele ne mu pe iimaliwa yoothewa. Uuna e mu pa, Rachel oku na okukalela po kehe esenda a longitha. Oku na oku ulika uumbapila womafutilo nenge ni ilongekidhile omalaka. Ohe mu ihumbatele ngaaka nonando oya li ya tsu kumwe sho ya hokanathana kutya omukadhi na ethe iilonga a kale ta takamitha egumbo, nonando iilonga ye oya li hayi futu nawa.
Sowetan