Omunafikola weedula 21 okwa xulifa eshi a lyatwa kotuwa oyo vati ya hanga a nangala mopate.
Oshiningwanima osha ningwa mexuliloshivike mondjila pokati kOutapi noRuacana momukunda Omatemba moshitukulwa shaMusati.
Nakufya okwa tongololwa oye Jacob Kambuta omukalimo womomukunda Ombuumbuu.
Omukulunhu koshikondo shokukonakona oimbuluma moshitukulwa shaMusati, omupedu commissioner Moses Simaho okwa ti Kambuta okwa twalwa koshipangelo shaShakati e li monghalo ii, oko a xulifila kuyele oshivike eshi efimbo lokonguloshi.
Opolifi oya hokolola tai ti fiyo opapa kape na ouyelele ngeenge Kambuta okwa li a kolwa ile pamwe okwa li ta vele opo a nangale mopate.
Omushingi wotuwa omulumenhu weedula 53 ina kwatwa po. Onghee omakonakono opolifi otaa twikile.
Opolifi oya kumaida ovashingi opo va kale ve li oupafi ngeenge tava shingi unene tuu ngeenge tava shingi peenhele odo di na eendingosho shaashi ovanhu ove hole okunangala mopate.
fhamalwa@nepc.com.na