Opolisi moshitopolwa shaShikoto oya ndhindhilike i i p o t h a y o m a k w a t o koonkondo tayi indjipala, ihe olundji ohayi ningilwa aanona aashona omolwa kaape na esiloshimpwiyu lyaakuluntu lya gwana.
Omukuluntu gwopolisi moshitopolwa shaShikoto T e o p o l i n e – k a lo mp o Nashikaku okwa ti aantu 40 oya kwatwa koonkondo okuza muJanuali sigo iiwike iyali yopetameko yomwedhi nguka Maalitsa. Ta ti, iipotha oyindji ya lopotwa, oyaanona ya kwatwa koonkondo kaalithi yiimuna, unene mboka ya zi koAngola. “Poompito odhindji aakuluntu ohaya adhika kaaye mo momagumbo sho iiningwanima tayi holoka. Aakuluntu ohaya adhika kookamba, shoka hashi gandja ompito nethimbo kwaamboka ye li nayo momagumbo ye ya ningile iiningwanima yi li ngaaka.” ta ti ngaaka. Nashikaku okwa kumagidha aakuluntu ya hulithe po okuthiga aanona miikaha yaaniilonga oyo ayeke, unene aanona yaakadhona. Ta ti, osha nika oshiponga okuthiga omunona gomuki intu nomulumentu megumbo. “Pethimbo lyopaife aanona yaakiintu itaya vulu we okuthigwa miikaha yoohe. Oyendji otaya longele aanona yawo iilonga inaayi uka,” ta kumagidha ngaaka.
Ta gwedha po ta ti oye na iipotha yi li ine yaasamane ya kwata aanona yawo koonkondo omanga ooyina ya ka longela komahala gokokule.
Shoka otashi ulike kutya aasamane itaya inekelwa we okuthigwa naanona yawo momagumbo oyo ayeke. “Oomwedhi dha piti, otwa manga po omusamane gwomukwakuluntu sho ta tamenekelwa omakwato koonkondo e ga ningile aakwanegumbo lye,” ta popi ngaaka. Otaku hokololwa kutya omusamane ngoka anuwa okwa li a ningi ethimbo ta kwata aanona aanasikola yaakiintu ye na omimvo dha yooloka koonkondo.
Nashikako okwa ti nonando omusamane naanona mboka okwa li haya zi megumbo limwe, kape na nando ogumwe omona, ihe aatekulu ye.
“Omakwatokoonkondo ngoka okwa li ge ya puuyelele sho omulongi gwoposikola mpoka hapu hiti aanona mboka kwa li e shi lopota kopolisi,”ta ti ngaaka.
Ta ti, oshiningwanima shika osha li sha tseyika nawa komukulukadhi gwomusamane ngoka, ihe anuwa okwa li a tila oku shi lopota kopolisi oshoka ngele okwa mangwa po kape na ngoka ta eta omboloto poshitaafula. Nashikaku okwa ti oya ndhindhilike kutya aantu oyendji momagumbo ohaya kala ye na uuyelele waanona taya hepekwa ihe itaye shi lopota kopolisi. “Shoka itashi ka pitikwa kopolisi yaNamibia, kehe ngoka ta kala e na uuyelele ihe okwa kala te u holeke, otaka patulilwa oshipotha,’’ ta fatulula ngaaka.
vkaapanda@nepc.com.na