ONGWEDIVA – Michael Mukupi, yana tamezwi kufumbela yomuhulu wasikolo, nalukuluzwi kasamulaho akutomelwa kulifa N$1 500 yakulibelela muzeko wahae kwande.
Muzeko wahae noisizwe la 27 Lyatamanyi. Mukupi nabulelezi New Era kuli sakalile kusebeza.
Mukupi walilimo zemashumi amane kasilisiñwi, ili ticele kwasikolo sa Tjihozu mwasikiliti sa Omusati, natamilwe mwakweli ya Sope kasamulaho yomuhulu wasikolo kwabeleka namukwalulezi muzeko wakufumbela kumubulaya.
Ubiwa kuli nabize yomuhulu wahae kuba muloi, bulyangelino ni sikuba.
Unyaziwa kunata kakufumbela ni kusinya libizo.
Kuakalezwa kuli kuzwa silimo sa 2018, Mukupi halumelelani ni yomuhulu wasikolo kamaikuto akuli naitengile mwalikezo zabulyangelino fasikolo.
Piho ya cwanuñu ibulela kuli yomuhulu wasikolo ukalile kale inge abata kulundula Mukupi fasikolo. Hana bulela ni New Era, Mukupi naize hatabiswi kitaba yakuli halumelelani ni yomuhulu wasikolo.
“Nikaikupela maiswalelo kuyena. Kozo kiya butokwa kwamusebezi. Hakihande bababeleka hamoho habasa lumelelani,” nabulezi.
Mukupi nabulezi hape kuli hana kuzwa fasikolo kakuli nalekile mubu ni kuyaha ndu bukaufi ni sikolo.
“Hanikutela famusebezi, yomuhulu wasikolo nani laezi kuezeza makilasi mwasimbashu. Nani file ni lituto zesa tusi kuya mwasitopa sesi tatami, ili taba yesa ni tabisi,” nabulezi.
Yomuhulu wasikolo Lusia Shipiki naize uswabiswa kiseo khuta ne ezize.
“Nenisika zibiswa kuli Mukupi wataha kwasikolo. Neni izo mubona feela kwasikolo mwamuyaho wababeleki. Neni komokile kumubona,” nekubulezi Shipiki.
“Hani ikutwi kuba mwasilelezo fasikolo se. Hani ikutwi hande hanibona Mukupi. Niziba kuli ukona kueza nto yeñwi kuna,” nabulezi mi naize ukazwa fasikolo kuisileleza.