Victoria kaapanda
O polisi yaNamibia oyi li molukongo lwomulumentu ngoka a li pamwe nayakwawo ye li yane mboka ya li ya adhika niimaliwa yiifundja.
Tayi indile kutya kehe ngoka e na uuyelele kombinga yomulumentu ngoka na lopotele opolisi yi li popepi naye. Opolisi otayi tsikile okukumagidha oshigwana opo shi kale sha kotokela iimaliwa yiifundja unene yooN$200.
“Aanangeshefa haya longo
uusiku naya kale ya kotokela iimaliwa mbyoka,” ta kumagindha ngaaka. Tayi ti, unene aahingi yootakisi osho wo aanangeshefa yalwe yomomahala haga patuluka uusiku naya kotoke oshoka iimaliwa yimwe oya andjanekwa nale.
Sha ikolela kepeko lyopolisi aalumentu ye li yatatu nomukiintu gumwe oya mangwa po kopolisi.
Otaku hokololwa kutya oshiningwanima shoka osha holoka moshitopolwa shErongo.
Opolisi oya ti, aantu mboka okwa li ya adhika nepakete lyiimaliwa yiifundja yongushu yithike N$36 000 omanga ngoka a tondoka po ayi noshimaliwa N$7 500. Aafekelwa oya tseyika onga Lasarus Shituula (42), Temus Iitengula (52), Emilia Efraim (38), Johannes Gaseb, (45) oshowo Petrus Efraim (250, ayehe Aanamibia. Otaku hokololwa kutya aafekelwa mboka okwa li ya adhika mehala tali ithanwa Big brother Guest House momundhingoloko gwaUsakos. – Vkaapanda@nepc.na