Victoria Kaapanda
Nonando aakalimo yomomukunda Onghalulu moshikandjohogololo Okongo moHangwena ya kala yataalela uupyakandhi woku enda oondjila oonde okukamona uuhaku, uupyakandhi mboka owa mono ehululilo.
Kansela goshikandjohogololo shOkongo Lebeus Efraim Shipindo okwa ti, okapangelo hoka oka etwa po okupitila moshimaliwa sha gongelwa kaakalimo.
“Okapangelo haka otaka kala haka talelwa po kaapangi okuza kiipangelo inene oshowo oondohotola okugandja omayakulo ga pumbiwa lumwe momwendhi,” ta ti ngaaka.
Ta ti, shika oshinima sha simana shalongwa kaakalimo oshowo aayambindhindhi, oshoka uuhaku owo hau kalekepo onkalamwenyo yomuntu,” ta popi ngaaka.
Kansela okwapandula wo natango kehe ngoka ali agandja omakwatho okuyapo nokapangelo hoka, taka kala taka kwathele oshigwana shomomundhingoloko moka.
Maria Ndikwetepo gomomukunda moka okwati, okapangelo hoka otaka kwathela oyendji.
“Otwa kala hatu longitha oshimaliwa oshindji okukamona uuhako kokule, ihe paife ota tu ningi hatu tegelele uuhaku wuye popi opo tu thike pokapangelo,” ta ti ngaaka.
Ta ti, ngele ya monika kiipangelo iinene nenge yokokule ongele yaadhika kuuvu mboka itaau vulu okutegelela okupangwa.
Ndikwetepo okwati, okulongela kumwe okuwanawa oshoka aluhe ohaku kandulapo omaupyakandhi, ngaashi nana oshigwana sha ningi.
“Inatu kala aluhe twategelela epangelo lyi tuningile, ihe ngele ota tu vulu, natu ninge ashike shoka ta tu vulu okuya po nasho, “ ta kumagidha oshigwana.
Ta ti, uuwanawa owo shigwana ashihe, kaushi wepangelo.
– vkaapanda@nepc.com.na