Konyara mokuyikondjera eyi yipo yirugana yangesio yisike mouta wakora, ngesi kuna kumoneka asi eyi nye varwamena yo 16th omu sina kukahoroka silika sangesi moOkakarara pevango eli avaninkire eri=udiko ngesi nayinye yina wapa mariongikido kuna kwata moyitji, omu vana ngesefa ntani wokurandesa moyitarata ngesi kuna kuza nye vakalikide eyi ava randesa nomu avayirugana.
Munasipundi gokomitiye zerongikido, Olga Tjiurutue kayinkondopekere eyi nokutanta asi nayinye yina wapa ntani ezegururo pavete kalipwire nare monadaha ganapuko.
Ose kuna mono vantu wokulisiga siga, varugani veme pangero ntani vana ngesefa paumwene ntanbi wokurandesa mononzira vana kutura yirandwesa yawo pomavango ogo kavagwene vagaruganese mongesefa zawo. ‘’
Ezegururo lyopaveta ngali karako mungura moune, mbapira zezigido nare twazituma kwaPatron gwetu gwaOkakarara Trade fair, Presidente Nangolo Mbumba, ano ose kuna kumundindira ayamoneke pevango eli nokuyatungika evango lyetu likare asi lina kara nye paveta.
Nampili ngomu asi vantu koyili kavamwene, ndi kavaresere monosayitunga, ame nahepa nye kuyinkondopeka asi Trade Fair zetu ngesi mondika zina kara, apa tuna kuhuyunga ngesi ntani ame kuna kuhundira vantu vawize vayagave nokuyadiva vana ngesefa vawo womomukunda. Mokukwama mpo, kuna kumoneka asi sirugana nasinye sakara moOkakarara navayamoneka pevango eli nokulikida eyi vaweka, yipo nye asi vantu tuwizeni mounzi wetu.
Tjiurutue, ogu ana kara asi mukurona gwanare godoropa zaOkakarara, simpe kahundilire vanafarama vakara momukunda horowero novamusinda asi vawize vayalihameseremo, makura awo vayalikide asi yimuna musinke vaweka eyi vakara nayo monofarama dawo. ‘’ Ame nadiva asi esi siruwo sosidigu tuna kara naso unene kovanafarama, unene mosiruwo esi tuna kara sorukukutu.
Nye owo vana kumona asi kuvhura vawize, hawe yina maguruka wizeni tupu yipo muyalikide oyo muna weke, yipo muyagwanekere novanafarama vakweneni. Esi sililka seni, makura ame yipo nye nal=kumuhundira namuvenye asi ruganeseni mpito zangesi. Mvhura zina puko, konyra 40 kampani ntani vana ngesefa gona navawovanene kwayalikidire eyi avarugana nomu avayirugana, mwahamenene epangero noministeli nomberewa nonokampani depangero.
Erudiko lyonondima hawe yilyo lyakere asi lyomutaro, mo 202, omu vana farama gona ntani wovakurona vayalikidire yimuna yawo ntani nokuyagava omu avatekura yimuna nomaganao peke kuhamena unandima.
–ohembapu@nepc.com.na