ǁNā haka daoga ūhâs ǀAe-gams tsî Kaiǁkhaes hâra ra !hûi gaub !nâ kai daob ai !narisa ra hui!nâ, !nari-ūs xūna tsî ǀnî !oabade mās hâna, tib ge Daogu ǂGaeǂguis di Dana Sîsenǂuira Mâisab, Conrad Lutombiba ge mî. Lutombib ge ǀuni !âb nē ǀasa daob dib di ǂhanusi ǀhui-ams ǁaxasib tawa nēsa ge mî. 

“Sats ge nēsi nî mû, khoen hîa Kaiǁkhaes !nâ ǁanhâ, xawe ǀAeǁgams !nâ ra sîsenn !aroma i !aruǀî ǂhâbasa tama hâ !khaisa, 04h00 ǁaeb ain ǀAeǁgams !nâ sîsenni !nâ hâga nî 

!naritsoatsoasa.  ǁîn ge nēsi 07h00 ǁaeb ai Kaiǁkhaesa xu !nari tsî ǁaupexa 25 minutgu !nâ ǀAeǁgams !nâ a hâ -ǁkhā. Sida ge ǁn ǁawosasiba a mā du ǁkhā, !oa!ū hâ auto ǂgâugudi nē ǀgam !āra ǁaegu hâ tidesa,” tib ge ge mî. 

“Daob ai ra hâ auton !gôagu ǁgats nî ǀAeǁgams tsî Kaiǁkhaes hâra ǁaegu kōs kara, o da ge tsēs !nâ 15 000 xa a !nāsa autoed ra mû. Nēs ge !aroma nē daob nî sâsa tsî !norasase !nari-aon, xūn tsî !oabade ǁaeb ai māsa,” tib ge ge mî. 

Lutombib ra mîsa !oab ge nē kai daob di kurus hîa 2019ǁî kurib !nâ a  ǂnāǁnâs tsî N$14 biljun maris ǁkhāsiba !khōǂgā hâsa, ǁaupexa ra dītoahe. 

“Sida ge ǁaupexa 99% ga toahâ. Omakundesa xu Kaiǁkhaes-!Gûxa-aibes ǁga ra !kharub daob ǀkha da ge ge -ǁaxa i tsî kaise ra dâ tsî nētsē nēpa mâ, ǁîba ǂhanusise ra ǀhui-amse, în !nari-aona nē daoba !gâiaǂgaob ǀkha ǀoasase nēsi sîsenūtsoatsoa. 

Hâ a !khais ge noxopa da ǂkhariro sîsenga nî dīsa, Kaiǁkhaesa xu !Gûxa-aibes ǁga garu daob ai, !gōsase !gaunas !naka, nau sa da !nāsa ǀamma ǂkhîǂkhîxase dītoa hâse,” tib ge Lutombiba ge mî. Jason Hashoshangeb, ǁîb tsîn a enxinergu di ǀgui tsî daob mûǂamsa ge ūhâ ib, nē project ge ǁgoaǂuixa!nâ tsî nau ǀkhāb ai !gâi tsâsiga gere māsa, xaweb îxa tsî ǂkhîǂkhîsase hā a ǀamsa. 

-Nampa