Auleria Wakudumo
Ohango ya li komukunda Ohaiyanda moshitukulwa shaShikoto Etitano oya xulila moluhodi eshi omutulipo welandulafano moshivilo a tuwa nombele manga al i ta kendabala okutaataa ovapiyaaneki voshivilo. Oshiningwanima osha ningwa lwopo 20h00 eshi vati omulumenhu weedula 24, Nesto Jeremia a lombwelwa a shiivifile ovanamukunda kutya navay e komaumbo shaashi etango ola li vati la toka.
Omupopiliko wopolifi, Omupedu Commissioner Kauna Shikwambi okwa ti Jeremia mokulombwela ovanhu va ye komaumbo, omufekelwa vati okwa anya omalombwelo a Jeremia nokuninga omanganga.
Shikwambi okwa ti Jeremia okwa kufa mo omwiya ndele ta kendabala okudenga omufekelwa opo ngeno vati e mu kufe mo meumbo.
Omufekelwa vati okwa nipula mo ombele, ta tu Jeremia mepepe, ndele ta faduka po a yuka momilaulu. Jeremia okwa xulifa mokufika moshipangelo shaMuthiya. Nomufekelwa nande a faduka po, opolifi oye shi pondola oku mu tula moipandeko.
A yashwa nondjebo Oshiningwanima sha yooloka, omunafalama umwe okwa tulwa moipandekifo eshi vati a yasha nokudipaa omufekelwa ehe shiivike omutenya wEtitano.
Oshiningwanima osha ningilwa kofaalama yOblates, Shamalindi, Grootfontein. Opolifi oya ti folomana pofaalama okwa hanga ovalumenhu vavali popepi noshiunda shoikombo, ndele tava faduka po va yuka moixwa i li popepi.
Folomana ou vati okwa lombwela ovanailonga ovanafaalama vavali va shikule ovafekelwa. Ova kwata po umwe womovafekelwa, naumwe okwa umbwa nondjebo oyo vati ye mu ehameka neenghono. O mu fe ke l w a a x u l i f a i n a dimbulukiwa kutya oye lyelye natango, ashike omunafaalama oo e mu yasha okwa tulwa moipandekifo nondjebo oyo a longifa oya monika.
A tuwa nekende pondingosho Natango omulumenhu weedula 36 okwa xulifa eshi a tuwa noshitandu shekende. Oshiningwanima osha ningwa Osoondaxa po 00h00 pondingosho yedina Simon’s Pub molukanda Block 5 moAussernkher. Shikwambi okwa ti vati Machel Sililo okwa li tava tanguna nokutameka okulwa meni londingosho ndele tava hanaunwa.
Vati ova ka twikila okulwa pondje yondingosho oko nakuninga oshihakanwa a twilwa nekende nokuxulifa.
-wakudumoauleria@gmail.com