Uuministeli womindhingoloko, iihwa nomapashiyano owa londodha oshigwana shi kale nombili sho kwa dhimbulukwa esiku lyomapashiyono muuyuni.
Na m i bi a o k w a d h i m b u lu k i l w a pamwe niilyo yIigwanahangano esiku lyomapashiyono ndyoka nuumvo lya dhimbukiwa oshikando oshi-44 koGeorgia kohi yoshipalanyolo “Omapashiyono nombili”.
Omugandji gomauyelele muuministeli womidhingoloko, iihwa nomapashiyono Romeo Muyunda okwa ti oshipalanyolo shoka osha opala okulongithwa moNamibia pethimbo ndika sho ta ilongekidhile omahogololo ngoka taga ka kala ko nuumvo momasiku 27 gaNovomba.
“Ombili ombwaanawa. Aatalelipo ohaya kala ya nyanyukwa noya manguluka uuna taya yi komahala ge na ombili,” ta ti ngaaka. Ta gwedha po kutya Namibia okwa kala ta tangelwa ombili ngele tashi ya kaatalelipo.
Muyunda okwa ti esiku ndyoka lyomapashiyono ohali dhimbulukiwa omumvo kehe momasiku 27 gaSepetemba. Ta ti, omapashiyono ohaga dhana onkandangala meliko lyoshilongo, onkene oge na okusimanekwa.
“Ota u tanga esiku lyomatalelepo muuyuni oshoka epangelo lyaNamibia olyi li oshilyo shIigwanahangano,” Muyunda tati ngaaka.
Ta fatulula kutya elalakano natango limwe lyokudhimbulukwa esiku lyomapashiyono, okukwatela po omuthigululwakalo pamukalo gokusimaneka nokutalela po omahala ngoka ge na oondjokonona dhi na ongushu.
“Omapashiyono ohaga yambula po wo eliko momindhingoloko oshowo moshilongo, shoka hashi lundulula onkalo oshowo okushonopaleka onkalo yoluhepo,” ta fatulula ngaaka.
Muyunda ta ti omapashiyono oga simana oshoka otaga dhana onkandangala momindhingoloko taga holoka, ngaashi Etosha nomahala omakwawo ga gamenwa.
Ta gwedha po ta ti, iitopolwa oyindji oya kala nokuninga omauliko giipindi ngoka haga hili natango aantu ya za kiitopolwa yi li noyi ili osho wo kondje yiilongo.
Uuministeli womidhingoloko owa ti etompelo lyomatalelepo okuza poonkatu dhopevi sigo opombanda, okuweta po eliko lyoshimaliwa. Omatalelepo ohaga eta iiyemo ya gwedhwa po moshitopolwa nenge moshilongo. “Uuna aatalelipo ya hokwa pehala ohaya longitha nokuthiga po oshimaliwa shoka tashi yambidhidha natango aayetipo oshowo mboka taya sile oshimpwiyu ehala,” Muyunda ta fatulula ngaaka. Uuministeli owa kumagidha Aanamibia ya simaneke omahala ge na oondjokonona, ngaashi iilongo iikwawo tayi ningi. Owa popi wo kutya iilongo oyindji otayi hupile momahala gokutalelwa po oshowo iiyetwa po yokoonyala yomithigululwakalo dhawo. Omumvo gwa zi ko, esiku ndyoka okwa li lya dhimbulukilwa koNkurenkuru, kohi yoshipalanyolo okuxwaxwameka nokusimaneka oshowo okukaleka po
omuthigulwakalo.
-vkaapanda@nepc.com.na