Otjiraka tjautwa Otjiingirisa tji nembo ndi tja: “Omundu omusenina ngwa sewa aakurama”. 

Tji twa tanaura mOtjiherero ndi mape ya aririre “mba sewa kouye”. Epukiro /Epuikiro mu Tjikukutu mari zemburuka ozombura esere zorutjindo rOvambanderu okuza motumbo twohangauti twa Katjombonḓi. Tji ve ri ko kanaave rire ovengi mba ya morutjindo ndwi. Pu mape hee kutja nai ve nozombura esere ndoovazu va kayenda pomatumbo waro tji va kwatwa mo 1924. 

Posi ya ozombokiza kuro omuveri. Vevari vozombokiza oo John Nimirod Mujaata Naore Murangi na Tuemuna Mbangura. 

Ovakwatera novature va Komumbonde na Pukiro/Puikiro. Ombura ndji mbe nozombura 88, Nandarire kutja ozokazohatoi zorutjindo, ozo ozohatoi za Pukiro/Puikiro tjinga amave kwatwa mo 1936 tjandje orutjindo rwa tjiti ozombura o-12. 

Murangi ma zemburuka kutja orutjindo ndwi rwa nanwa i Nicanor Hoveka ngunda Hosea Kuṱako a nana indwi rOvaharerero kOmongua. Tjandje oruveze ndo ozonḓiro  kazemo tji pa kara onḓiro ai a yari rumwe mombura nu wina yomukururume poo omukurukaze. Okusasaneka nandino ozonḓiro mu zeura momitanda notjiwangungu.

Ongahukiro ku Murangi okookutja orutjindo ru ṱumunikire kEpukiro/Puikiro tjandje omihoko mavi zu motumbo twohangauti yovita vyohuurire yEhi rOvandoitji. Omakuruhungi omaṱiṱi waro nge ye zuva.

Kutja rwa raukira mOtjozondjima. Mu va pizukira no ku handjaukira mehi ra Pukiro/Puikiro. A rwa yata mEpukiro rOvatjauana. Aruii kovirongo ovingi pekepeke mu  munOkomumbonde. 

Murangi me kurira, a nyandere novakwawo tjimuna Gideon Muundjua, Mandumue Mbangura na Kahavandje Kanguatjivi.  Ma hitira osikore

Momaueuozonjanda. Otjo ozombura nḓo tji tjari nostora imwe uriri, yotjirumbu Kaisera. Okomumbonde tjandje ozombura nḓo otjihara ka tji ya ṋiniwa i yosarama ya   Koekemoera. Murangi mari omuungure omutenga otjomukande wozongombe mokonḓoraka.