ǀAweǁgui-aon Frankly Speaking ti hâ !nans !naka ǀgaiǀgaru ǂande ǀgoragu tsî ǁgâiǂuisens ǀkha ûis ǁgūbasa ūhân ge ǂgom!gâba ūhâ, ǀgaǀgaruǂans !hūb !nâ ǁkhawa ûiba māhe tsîn khoena tsâsigu âna !aob ose a ǁgâiǂui!nâ ǁkhāse. ǂHôaǂgares tsî ai-īsiǂhôaǂgares ǂhôan ǀhaoǀhao-aob Franklin Shitalenib, hîa !nāsase Black North Side Rabbi ti a ǂansab, tsî ǀgaiǀgaruses Frieda Etuhole Mukufas, Damn Etu ti ǀgui nē !âb !nâ a ǂansas tsîm ge nē ǂhaweba ge tsoatsoa, ǀgaiǀgarus !nâ !gâi!gâibasensa ūhâ khoen hā nî ǀhao tsî -ǁî!nāpe !hûǁ-are tsî nēs xōǀkhā ǁgâiǂui!nâsen ǁkhān a !khaiba ūhâsa. 

“ǁNān hîa a taoxan ǁîn tsîn ge hā tsî ganganxasib ǀkha ǂans ǀkha ǂnôan di ǁgâiǂuisenǀgauba hā !hara tsî !gôa!gâ ǁkhā hoan xa a ǂoaǂamsa ǀgaiǀgarusena,” tis ge ge mî. Gowaǂansabeb ai!â ge mîs ge, nē ǁgauǂuisens di ǂâis ge Covid-19 ǁaeb !nâ da ge !au-amdi !naka hâ i xawe ǂnuwiǁkhāsib !nubusib xa ra !aromahese xū-e dī ǁoa is xa. 

“Tita ge ǀnai Covids ai!â gere ǀhûsigu ǂhaitsi !oaban tawa gere ǀgaipe, xawe Covid ǀkha ge mâ-oa.  

ǁNā-amgas ge nēsi da ǁkhawa ǁnā mâsiba ra oahā-ū ǂgaosa, î da ī ǁkhā i as kōse ǁkhawa sida domga ǀgaiǀgaruǂans ǀkha ǁnâu kai tsî ǂhaba ǀhûhâsiga turaba mā sida ǁhaosa.” Supu tama hâ !khais ge, !khoegaru ǂkhûdi ǀkha hâ khoeda, nē ǀgaiǀgaruǂansa ûiǂuis ǀguis ǁkhoreba ūhâ da, ǁnāti ǀgui xū-e dī tamase nî hâsa. ǁNā-amagam ge hoam a ǀgaiǀgaruse amaga ge ǂâi tare-i !aromam nēti ǀhao!gao!khaipa ǀaweǁgui tamasa, tis ge ge mî. 

Nē ǁgauǂuisens ǀhaos tawas ge VibeZa! ge mîba, ǀhûhâsib tsî turaxa khoen di ǁhaos ge ǂoaǂamsa i !khaisa tsîn ge ǀasase ge ǂgâxa ǀgaiǀgarusen tsîna harase gere !âsa. “Sida ǁkhoreb ge xoakhâiba ūhâsa !hūb !nâ hâ ǀgaiǀgaruǂansen diba.” Shitalenib ra mîsa !oan ge ǀgapi skolgu ǀgaiǀgaruǂans tsîna ra ǁkhāǁkhā tsîn ge nē studentn tsîna 26 ǂNūǁnâiseb 2024 dis hîan hakaǁî kurixas Frankly Speakings disa ra tsēdīs ai ǁîn ǀkha nî !â tsîiaǂgaoǀhao.