Oshakati- ministera gonsitwe, noyimeno ntani vadinguli Pohamba Shifeta kahundilire vaNamibia asi vahepa kutapeka yitji yipo asi vagusepo mukaro ogu guna tutamba asi gokuzonagura yimeno ntani nsitwe zina litjindji. Shifeta, posiruwo oso kahuyungire pezuva lyokuyitji modoropa zaOshakati, moutano kaupwire, katente asi nsitwe kuna kumona kanyando, omu vana kuteta yitji ntani nsitwe zina litjindji.
‘’ Sahepa kukara situmbukira setu natuvenye mokugusapo udigu wangesi yipo asi tuzenye komeho negano lina kututwara ndi lina kutwara meho zetu momuwa. Kutapeka yitji kuvhura kuyimona ngwendi sininke sosireru ono rugana, nye twahepa kusimona asi sininkle somulyo unene onorugana, yimo ana kutanta ministera. Age kagwedereko asi moomu lina kuza ekuliko, yimeno yimwe kuna kuyigusapo yipo vagwana mpito zekuliko ntani nonzira. Wokutara asi ngapi lina kuza ekuliko komeho vahepa kutanta asi mavango gokumoneka una uhako gahepa nago kukara monodoropa, moomu tupu dina kuza komeho mokukura. Shifeta simpe katente asi kuzonagura yitji kuna kugusa evango lyenene unene konomukund adoponze zonodoropa unene oku avatjava yitare yokuhwamekesa mundiro vaterekeseko, yitare eyi vana kupira kuruganesa, ntani mavango nye aga vana kuhwika mpire asi vagaruganese konondima.
‘’ Konyara 2.5 nomiliyuna donomusunda edi dina kara asi kwadiguma unene moNamibia mundiro ogu gompire , yimo ana kutanta. Age simpe kankondopekere asi vantu twahepa kulituramo mokutapeka yitji morwa nodoropa nado kuna kuvhuka omu vana kugava magano gekuliko omu ngatu kazumbanesa yitji yina kara asi yomosirongo setu. Makura yina kara mulyo asi nodoropa dimwe dikare dosinauhako yipo yikare asi yitji vana gusako morwa ekuliko vahepa simpe kuyivhukisa pwarutatu mosivaro, yimo ana kugwedako ngoso.
Ogu nage kakere ana kuhuyunga posilika sangesi, nguuru gomukunda Oshana Elia Irimari katente asi nonkambadaro vaditurapo omu vatura asi yitji yokusika ko 1000 vahepa kuyitapeka momukunda gwina. Irimari kayinkondopekere asi yina kara mehiguvaro omu vana kuyigazara asi nakukakara una uhako ntani ukanguki komungura,’’ omu nye tuna kugava epunguro movantu vetu. Ezuva lyokudiworoka nsitwe kuna kulidana monad zositurapo ‘’ yitji nononkambadaro; Ewa pukururo lyepe kutulisapo magano gomape tukakare nouzuni una wapa. -Nampa