Swakopmund – Namibia naSouth Africa kuna kutarurura yitundwamo yokomitiye zelipakerero zovadivi kuhamena nomurudi omu vana kuyitara asi nayiretapo magano gomawa unene neruganeno kumwe. Ngendeseso paupolitika ntani komitiye zadiva noveta zina kara asi zo national commission zoyirongo yivali kavakagwanekerere moSWAKOPMUND sivike seesi, omu kava kaliyongere mukaro ogu gwakarapo nare gonomurudi pokatji koyirongo eyi yivali. Komitiye ezi kwayahingira morwa kwavapa manangwiro yirongo yawo asi vahepa kuhingira kutunda tupu kepongo eli vakere nalyo nompitisili doyirongo eyi yivali lyakerere moWindhoek.
Komitiye ezi kwayatura nye eyi mosirugana kutrunda tupu apa vayahingilire moWindhoek, 13 October 2023. Pepongo nyr lyangesi vaministera kwavapere managwiro asi vahepa kugwana nokutarurura momuenene yitundwamo romukuro ogu gwaOrange nomurudi gwazo, kutunda tupu opo vamana makona kono mo 2017. Pezugurruro epongo ministera gwaNamibia gweyi yoponze zosirongo, Peya Mushelenga katente nokuhuyunga asi yirongoyivali eyi awo kwalituramo unene varuganene kumwe asi vagusepo udigu wangesi yipo asi vantu vetu pwantani nokomeho oko vakamonene mo mauwa. Eyi kuyimona asi yiwa wawa morwa nare twagusa kugusapo maudigu getu, ntani ose kukwama noveta nomalizuvho gakarapo ngoyirongo yakara asi maparambo, kurugana yininke yetu poruzera kwalihuguvara makura ose natudidilika oyo tuna kuliyonga makura yitutwaredere komalizuvho ngovantu vakara asi natuvenye vamwe tupu. Yimo ana kutanta ngoso.
Ministera gosirongo saSouth Africa gweyiponze zosirongo nomagwanekero Ronald Lamola kahundilire asi pwahepa kukara ekonomi lina wapa vana kuruganena kumwe pokatji koyirongo eyi yivali South Africa naNamibia, omu vana kuyitumbura nomukumo asi twahepa kuwapayika nombunga detu edi adiretamo Yuma yipo varugane poopo vavhulira. ‘’ Mukuro ogu gwaOrange river kwakara pevango lyewa, ogu gwakara asi kupopera unene vantu vetu, koruha oru nye gwakerera mouzuni.
Omu avagwanene mo mawuwa yirongo eyi yivalib mukuroi ogu kulikida uwa wago omu vagusita, ntani ukumwe wosirongo ndi mukunda ,’’ yimo ana kutanta. Komitiye ezi zelipakerero zovadivi noveta, kwazitulisirepo mo2016, omu zakara novantu vatano mwankenye sirongo pweyi yirongo yivali Namibia naSouth Africa.
Vadivi ava kwavapere nye asi vahepa kuwizapo nomagano asi ngapi omu navarugana kuhamena mukuro ogu nomurudi gwawo, sosinenepo kwakara somutaro ntani paupolitika konomuhoko nadinye edi mbali. Nampili ngomu nye vayamene yitundwamo yawo mo 2017, nombapira dawo edi vatjenge hawe kwaliranga unene kuditarurura. –Nampa