Opolisi moshilongo onkene tayi kumagidha oshigwana shi hulithepo okulongitha iingaangamithi oshoka oyanika oshiponga. Opolisi okupitila kooradio oshowo miikundaneki ya yooloka oya ti, kehe ngoka taka adhika niingangamithi ota dhitikwa nokupewa egeelo lye lya ikolelela kwaashoka aadhika na sho. Otaku fekelwa aakwiilongo oyo haya ndjondjele iingangamithi moshilongo, nonando oyeshi kutya inaga pitikwa okuya mo. Opolisi oya nyenyeta kutya aanona oyendji oya thigi po oosikola, ya yi momapandaanda, omolwa iingagamithi taya longitha.
Tayi ti aanyasha oya hanagulwa po kiingangamithi, neilongo kayena nalyo, oshoka oonkalamwenyo dhawo oyendhi tula miingangamithi.
Opolisi otayi kumagidha oshigwana shi kale aluhe tashi lopota mpoka nenge ngoka ta landitha iingangamithi.
Tayi gwedha po kutya, aantu mboka inaya pumbwa okukala moshigwana otaya teyagula po aantu, oya pumbwa okukala moondjeendhililo.
Opolisi oya nyenyeta ngaaka konima aantu yomimvo dhopokati sigo 52, yeli 11 ya mangwa po kopolisi mehuulilo shiwike sho yaadhika niingangamithi miitopolwa ya yooloka, Sha ikolelela kepeko lyopolisi omukulukadhi gwomimvo 52 okwa mangwa po Etitano sho aadhika niingangamithi yomandrax oshowo cannabis yongushu tayi fekelwa yithike N$1 200. Omufekelwa gumwe gomimvo 35 okwa mangwa po Etitano sho aadhika niingangamithi yocannabis yongushu N$8 250. Okwa lopotwa natango omufekelwa gwomimvo 52 Etitano a mangwa nocannabis oshowo crack cocaine ayihe kumwe yongushu yoN$40 000, momundhingoloko Kalkrand.
Natango esiku olyo tuu ndyoka omulumentu gwomimvo 23, okwa mangwa nocannabis yongushu N$200.
Momudhingoloko omo tuu moka omunamimvo 25 natango okwa mangwa niingangamithi yocannabis, ihe ongushu nomundjundo inayi shuwika. Opolisi oya managapo omulumentu gwomimvo 31 molukanda Saamstaan kOkahandja sho anuwa aadhika niingangamithi yongushu N$34 444.
Omunamivo 35 okwa mangwa po koTavi sho adhika nomakaya goYes gongushu yoshimaliwa N$10 000.
Opolisi oya ti natango oya manga po aantu yeli ya tano miitopolwoa ya yooloka niingangamithi mbyoka inaayi vula okungushupalekwa ethimbo ndyoka. Omwedhi gwaSepetemba aguke nuumvo opolisi yaNamibia oya manga aantu ye li 142, ya adhika niingangamithi yomaludhi ga yooloka moshilongo ashihe.