Omukondjelimanguluko Sacky Amunyela okwa pakwa Olomakaya komaendo Onayena moshitukulwa Oshikoto. Amakali okwa xulifa koshipangelo shopaumwene shaNdangwa momafiku 8 Januali 2025, mepupi lomido 75 

Moshipopipwa shomupresidente Nangolo Mbumba sha leshwa ponhele yaye kungoloneya waShikoto Penda ya Ndakolo, okwa tanga Amunyela onga a li omulumenhu ha longo noudinini nokwa dana onghandangala ya kula pefimbo lekondjelo manguluko. 

“Omulumenhu o u okwa kufa yoo vali ombinga mekondjelomanguluko pefimbo loita molwashi okwa li koilongo ya yooloka. Otwa ka nifa ependafule, omunambili,” ta ti. 

Okwa ti momudo 1972 Amunyela okwa ya kondje yoshilongo pamwe novakondjelimanguluko vakwao nelalakano opo Namibia a kale a manguluka. 

“Okwa kala nokuxwaxwameka ovakwaita vakwao opo va longe noudinini okulwifwa eembulu dokatongotongo,” ta ti. 

Okwa weda po ta ti Amunyela okwa li omukondjelimanguluko wo shili, ka kwa li ehole eembulu dokatongotongo. 

“Amunyela okwa kufa ombinga momadeulo oukwaita a yooloka. Okwa li elitulamo pamwe novakwaita vakwao,” ta ti. 

Okwa fiya po omukainhu waye Elise Amunyela nounona vane. 

-fhamalwa@nepc.com.na