Auleria Wakudumo
Ovanhu 11, mwa kwatelwa okakadona komido 17 ova tulwa moipandeko moibofa ya yooloka moshitukulwa shaHardap eshi va hangwa noingangamifi ina ongushu yoN$9 810.
Oingangamifi oyo oya hangika momalukanda a fika pu atano a yooloka.
Eshi osha ningwa pefimbo opolifi tai ningi okashava pefimbo loshikonga shi li omhinge noingangamifi moRehoboth mexuliloshivike. Ovafekelwa ova tulwa moipandeko Etitano nOlomakaya.
Umwe womovavekelwa omulumenhu weedula 23 namukwao weedula 33, va tulwa moipandeko ongula yEtitano eshi va hangwa nepangwe longushu yoN$600.
Eshi osha kolekwa komupopiliko wopolifi Deputy Commissioner Kauna Shikwambi.
Ovalumenhu ava otava feekelwa vati hava nduluka nokulandifa omapangwe momudingonokowavo.
Olopota yopolifi oya holola kutya ovalumenhu ava ova hangikilila kopolifi ndele tava ekele omapangwe kokandjuwo opo omapangwe aha monike.
Nande ongaho, opolifi oya pondola okumona omapangwe oo kwali aekelwa kokandjuwo.
Natango ovafekelwa vatatu, ovalumenhu veedula 20 no28 nokakadona keedula 17 navo va tulwa moipandeko eshi va hangwa neeppela domandrax nepangwe efiku olo tuu olo. Ava vati ova mangelwa meumbo moBlock F. Ovafekelwa ava vatatu navo ova hangika nomapangwe ena ongushu yo N$600. Opolifi oya hokolola kutya ovafekelwa ovali tava kendabala okuekela omapangwe kokandjuwo, ashike opolifi oya pondola okukufa ko omapangwe omanga inaa ekelwashi.
Omanga omulumenhu weedula 27 nomukainhu weedula 47 va tulwa moipandeko Olomakaya sha dja eshi va hangwa nomapangwe noshoyo eepela domandrax adishe kumer dina ongushu yoshimaliwa N$3 620.
Ovafekelwa ava ova mangelwa meumbo moBlock E lwopo 01h30.
Natango Olomakaya ovalumenhu vatatu, vena eedula dili pokati ko22-27 navo yoo ova hangika nepangwe neepela domandrax aishe kumwe i na ongushu yoshimaliwa N$4 250.
Ava ova hangikililwa nomapangwe meumbo molukanda Banhoff moRehoboth.
Natango omukainhu weedula 40 okwa tulwa moipandeko pefimbo opo tuu opo opolifi tai kongo oingangamifi moRehoboth.
Omukainhu ou okwa hangika ta landifa epangwe longushu yoN$740, meumbo (Block E).
-wakudumoauleria@gmail.com