Omunyekadi woshilongo omutitatu Monica Geingos okwa tanga nakufya Omupresidente Hage Geingob ta ti okwa li omuleli e hole ovanhu molwashi okwa li alushe e hole okuninga omashendjo.
“Hage okwa li Omupresidente wa keshe umwe molwashi ngeenge owe mu hange koshivilo shonhumba okuhole okupopya novanhu nokufanekwa navo,” ta ti.
Edi Geingos okwe di popya onghela pefimbo kwa li ta lesha oshipopiwa shaye mefiku ledimbuliko lefyo laGeingob.
Okwa xulifa mepupi lomido 82 omafiku 4 Februali 2024.
Efiku longhela ola ta li kako lafimana mondjkonona yaNamibia omo oshiwana sha hangika konghundana ii yefyo laGeingob.
Geingob okwa li Omupresidente omutitatu waNamibia nokwa wilika kouministeli a yooloka.
Okwa li yoo vali Omupilima minista lwoikando ivali.
Ovaleli va yooloka vopapolitika, ovakwashiwana novakaleliposhilongo okwa li va holoka mowaalu muhapu komaendo omapendafule koHeroe’s Acre okudimbuluka efyo lOmupresidente omutitatu.
Geingos okwa ti omushamane waye okwa fiya po omwaka wa kula meumbo shaashi Geingob okwa li omulumenhu e na oshisho novanaeumbo vaye.
“Ngeno kwa li omunhu ngeenge a xulifa a dulu okualuka ngeno ohandi pula Hage a luke. Okwe ku djulukwa muholike wetu. Twikila nokutulumukwa nombili,” ta ti.
Geingos okwa ti pamwe noludalo lavo otava twikile okudimbuluka Geingob.
“Onda pandula Ovanamibia amushe eshi mwa kala pamwe nafye okudja omudo Hage a xulifa,” ta ti.