Hesron Kapanga

OKANGHUDI – Mueteleli wanaha sapili Hifikepunye Pohamba ukupile bayahi banaha Namibia kusa sinya zeo mueteleli wanaha wa pili Sam Nujoma nayahile. Mwangambolo ni Nampa kwa munzi wahae kwa Okanghudi mwasikiliti sa Ohangwena Labubeli, Pohamba naize kuli Nujoma ha se atimezi, batu basike bahupula kusinyasinya zana yahile, kono baswanela kubelekela kupahamela fa misumo ya siile kwamulaho.

Naize poto yamafelo neli liviki zepeli kwamulaho Nujoma hane alobalizwe mwa sipatela mwa Windoko mi nakile ayo lemuha kuli nto kaufela ikona kuezahala. “Lifu neli tezi Nujoma, mi halusana kumubona hape, kono luswanela kutalima zeo Nujoma naezize kuzwa kwa bwanana bwa hae kufitele hatozwa mwa ofesi,”nabulezi.

Na ekelize kuli batu baswanela kubelekela kuyaha naha Namibia mwane abonela Nujoma. Pohamba nahatelezi kuli Nujoma natiselize bayahi banaha Namibia tukuluho ni kuba lukulula mwa mazoho wabahateleli basituhu, mi hakulukeli kalibaka lifi kamba lifi kusinyasinya tukuluho yeo ni kuwela mwa mazozho abahateleli hape.

Na ekelize kuli linako zene baikabezi mwa ndwa ya tukuluho uka lihupula kuya kuile, Pulao ya Cassinga, hamoho cwalo nitukuluho yanaha Namibia la 21 Liatamanyi 1990. “Hani hupula la 21 Liatamanyi 1990, nihupula buñata bwa bayahi banaha Namibia bane babulailwe nako ya Cassinga, bao mali abona aselaezi tukuluho yaluna. 

Tikanyezo, tukuluho nefumanwi mi ne ambalakani naha kaufela,” nafelelize. Yene ili Musali wapili Penehupifo Pohamba nafitisize manzwi ahae amatomolapilu kuye ili musali wapili Kovambo Nujoma ni lubasi lwa Nujoma, naize ulobehile pilu kuli naha kaufela ilatehezwi ki mueteleli wa lyano yana tiselize bana banaha Namibia tukuluho. 

“Ni itumela ku Mulimu kabupilo bwa Nujoma. Kakuli uezelize bana banaha Namibia zeñata mi nafelize musebezi wahae falifasi,” nabulezi. Naekelize kuli musebezi usiezi mwa mazoho abayahi banaha Namibia kuzwelapili fane asiezi Nujoma nikubona kuli batisa zwelopili.