Mulisa Simiyasa 

Baituti bababeli kuzwelela kwa sikolo sa litopa zepahami sa Tsumkwe nebatimezi  mwa kozi ya famukwakwa mwa mukwakwa wa Tsumkwe-Grootfontein wa gravelu Lamubulo. Muzamaisi walitaba za sicaba mwa sikiliti sa Otjozondjupa, Mutatubi Yomuhulu Maureen Mbeha nabulelezi Nampa kuli bane batimezi neli Elizabeth Kambara (18) ni Frans Chameia(19). 

Bahabo neba lemusizwe. Mbeha naize kozi ya famukwakwa ne ezahezi libima zemashumi amabeli kazetalu wiko wa Tsumkwe kanako yebato ba 09h20 Lamubulo. Mukwaezi walilimo ze 52 nalatehezwi kamaiso ya motikala ya mufuta wa single cab pick-up bakkie yene longile batu bamashumi amabeli ka ba ba beli, bane bazwa kwa Mangetti Dune kuliba Tsumkwe mwa mukwakwa wa C44.

“Ku akalezwa kuli mukwaezi nalatehezwi kamaiso ya motikala kasamulaho sisipi sa kwa nzohoto kwa mulaho hasi lobeha, ili kutisa kuli motikala ipindumuke hañatañata,” nekubulezi Mbeha. Lipatisiso za mapokola zamakalelo libonisa kuli buñata bwa bane bakwezi mwa motikala neli baituti bane bakutela kwa Tsumkwe ku yo zwa kwa Mangetti Dune, kone baile kwa kepelo. 

Mbeha naize mukwaezi ni bane bakwezi mwa motikala babali mwalilimo zesilezi kuisa kuze mashumi asilelezi kazesupile, neba isizwe kwasipatelanyana sa Tsumkwe ni sipatela sa mubuso sa Grootfontein  kakuli buñata bwa bona neba holofezi hahulu hainyani. Lipatisiso za mapokola lizwelapili. -Nampa