Ohamba yOvakwanyama mekulu Martha Mwadinhomo yaKristian Nelumbu oya ifana Ovanamibia aveshe opo va holoke momwaalu muhapu koshivilo shomaongo shi li ko mongula kouhamba kOmhedi.
Okwa ti omalongekido okwa pwa nale noinima aishe oi li peenhele.
“Otwa teelela ovaleli veendodo da yooloka tava ka fika koshivilo shomaongo,” ta ti.
Okwa ti oshiwana inashi pumbwa okuetelela oilwifo molwaashi oku na nale eameno nawa.
Omudo keshe omalelo opamifyuululwakalo monooli ohaa dimbuluka efiku lomaongo omo haku hoololwa kutya oshivilo otashi ka ningilwa peni.
Omaongo okwa fimana pamufyuululwakalo wOshiwambo naashi osha eta opo ku kale ku na efiku lowina olo hali eta omalelo opamifyuululwakalo pamwe.
Omudo wa dja ko oshivilo shomaongo okwa li sha tyapulilwa kelelo laNdonga.
Omaongo okwa fimana natango molwaashi ohaa etele ovanhu oyuuyemo eshi hava landifa omaongo.