“Mokuzemburuka me yandja eraka komakuruhungi. Notjisuta me paha ousemba. Nu mokuriyaruka me kahurura nokurizuvisa orupa rwandje mokutunga oruyaveze. Ondjira komurungu kousemba ka ku zemburuka orukapitaveze porwe posi ya okukondja kutja ozondekurona zaimba mba ihamwa harukuru ve kuturwe komitwaro omakuruhungi ngu ya twirika kombanda yetu. Orondu tji pa kara nao uriri omazemburukiro otji maye kara nomaheya.’
Omuhongwa wOumiṱiri ponganda yomahongero yokombanda ya Namibia indji Ounama, Pekara Kaveru, ma tja. Eye wari ongorona ongaze, mu mbari yozongaze motjihungiriro tjoukambe outwezu mbwa tupuka otupare pekepke tji va nongononene kutja hapo okuzemburuka notjisuta oviṋa vivari mbi norupe poo kavi na orupe kaparukaze atjihe kutjo otjini.
Ngwari orukoro pokati komaoko wOnongo Elison Tjirera, Omutjiwe wozongaro nomaunguriro wakumwe pokati komahi Pius Dunaiskli, okaṋepo okakuru kombongarero yotjiwaṋa, Raṱoveni Kavekotora, na Celia Tjikuirire, Ondekurona ya Hozutjikuze, Ovitura Kavari.
Motjhungiriro tji tja sembamisirwe i yokomiti oungurire yozombara za Kandjoze otjorupa romazemburukiro wombura oitjatatu yomazemburukiro wEyuva romazemburukiro wOtjiṱiro Otjindjandja.
Ngari pondondo yotjiwaṋa otjini tjozondekrukona poruveze rovitjitwa rOmuhoko omikutasane ndu tjiukwa otjOUN Plaza mOkatutura Oritjavari tji ya ri 27 komueze mbwa zuko okurongerera omazemburukiro wOtjiṱiro Otjindjandja otjikando otjitenga pondondo yohoromende. Posi ya kotjiwaṋa otjini tjozondekurona ngari omazemburukiro oyetjatatu okuza ko 2023 ozondekurona pondondo yazo ozeni kehi yozombara za Kandjoze tji za uta okuzemburuka eyuva ndi momayuva inga o-28 ku Kambundu.
Kaveru ma tja ohapo omakuruhungi momambo womerihongero na movipwikiro vawo ye raisiwa porwe otjovitjitwa vyokokure. Posi ya eye otja tji ma yende ame rihongo Otjiṱiro Otjindjandja tjOvaherero nOvakwena, wa uta okumuna kutja ™omakuruhungi katjiṋa porwe tji tu rihonga uriri nungwari otjiṋa tji tji hupa mwami, tji pa ozongondjero, omeriuriro notjirwa tjandje omuhapo∫. Ma tja oure wo kombanda yeserewondo ovaumbe vohuurire vEhi rOvandoitji tji va kondja okuyandeka oviwaṋa vye, ozondekurona zaimba mba ihamisiwa ngunda ve nomutwaro wokupunda ovyao, ondjuriro yombwiko nomahausemba wekuruhungi.
“Koviwaṋa vyandje mbya ṱunwa, omazemburukiro oomuinyo wondjira okukotora omaserekarerero wetu nokupenga kutja ondjuriro yovaṱi novakuru vetu ai ha zengisiwa.∫ Okutja omavarero kotjiveta wEyuva Romazemburukiro Wotjiṱiro Otjindjandja otjeri omukambo ohepero komurungu mba ihamwa ve yozikwe. Posi ya ™ii okuzemburuka porwe kanaa ku verura ovito mbi ri po ngamba. Ousemba kau yeurisiwa nokuhina otjisuta.’