Nguuru gomukunda Omusati Erginus Endjala kapatanene asi age karekerere ndi asi kayinkondopekere asi age kuna kukatunda mevango lyendi lyoyirugana. Apa nye kahuyungire posilika saOlufuko annual festiuval gala dinner moOutapi momapeu, Endjala katente asi nampili ngomu yina kara asi elizuvho lyange lyomoyirugana ntaantani lihage, age kapi katente asi kuna kutunda nye momberewa.
Ame kanitente asi kuvhura yimoneke asi esi yiso sikando sange sokuhulilira nakumuhuyungisa mokukara asi nguuru gomukunda. Moomu tupu muna yidiva asi apa kwagwedererengeko mazuva dogoro mo20 June 2025. Nye ame kapi kanitente asi kuna kuzako’’ yimo ana kutanta.
Age kuna kutanta asi owo vana kugazara asi ame tani kahageka, kapi kavamuzuvusire nawa age kuna kuyimona nye asi koveli vana kara nelikwamo peke. Nye ame kapisi yiyo kanihuyungire oyo.
Age katente asi kuvhura apire kugwana mpito arekere navenye, nye nsene siruwio nasisika hawe age nayavarekera tupu monaruwa. Age katente asi vantu vamwe kuna kuyimona asi age ana kara siruwo mosirugana esi oyo kayitente asi kuna kumenyamenya. Mokutara nye asi yinke garugana ngaNguuru, Endjala katente asi age ana hafa komakwatesoko aga gagwana kovantu, vatungimo moOmusati, ntani aga ngakaraana hafamorwa kwagendesamukunda ogu gwakara asi munene. Tuzeni komeho tutwikire kuruganena kumwe nokukwatesako ogu na kuwizamo,’’ nokugwedako asi age kapi ngasiga mukunda ogu ngakara gumwe ana kukwatesako mokureta ekuliko kovatungimo.
Mokwedi kwaNsinano mvhura zeezi, president Nangolo Mbumba kwagwederereko mazuva kelizuvho lyawo ngovanguuru vamwe dogoro mo 20 June 2025. Olufuko kuna kara nye silika vana kudana nkenye mvhura mokulikida yompo ntani kuronga vanona kadona owo vana kukura asi ngapi akara mukadi ana litete pampo.
Epongo nye eli lypomurarero kuna kupongayika silinga zokutulisapo silika olufuko. Posilika nye somomapeu awo kavapongayikire yimaliwa yokusika koN$ 1 nomiliyuna kayitundire kovanangesefa, vazigidwa, ntani nompitisili dopampo. Yimaliwa eyi ngayirugana mokutulisapoi Olufuko 2025 nokuvatera vadinkantu konoprojeka dawo deyi yompo.
-vkaapanda@nepc.com.na